Euskal presoak

Alberto Ilundain aske geratu da behin-behinean

Gaur egin da haren aurkako auzi saioa. Hemezortzi urte Frantziako espetxean eman ondoren, maiatzean Espainiaratu zuten, eta Auzitegi Nazionaleko Fiskaltzak beste 18 urteko espetxe zigorra eskatzen zuen haren aurka.

Alberto Ilundain, ezkerretik hirugarrena, espetxetik atera ostean.
Alberto Ilundain, ezkerretik hirugarrena, espetxetik atera ostean. Tamaina handiagoan ikusi

Joxerra Senar -

2019ko azaroak 14

Alberto Ilundain libre geratu da gaur iluntzean. Arratsaldean jakinarazi diote haren defentsari epaileak behin-behinean aske uzteko agindu duela. Senide eta lagunek jaso dute irteeran, Madrilen. Gaur, 19:00etan, manifestazio bat egin da Iruñean, Mercaderes kaletik abiatuta, haren aurkako epaiketa salatzeko.

Ilundainek hemezortzi urte eman ditu preso Frantziako espetxeetan, eta behin epaia beteta, maiatzean, Espaniaratu zuten. Auzitegi Nazionalak gaur egin du haren aurkako auzi saioa. Fiskaltzak eta herri akusazioak Enrique Muñozen aurkako atentatu saioan parte hartu izana leporatu nahi izan diote. Gaur egin den epaiketan, Ilundainek ukatu egin du leporatutako atentatuan parte hartu izana, eta torturapean egindako testigantzetan oinarritu zela azaldu.

Epaiketan soilik defentsaren galderei erantzun die. Ilundainen arabera, atentatua egin zenean euskara klaseak jasotzen ari zen, eta handik aterata jakin zuen atentatu saio hartan parte hartutako egileen eta poliziaren artean liskarra izan zela. Era berean, Mikel Castillo zaurituta zegoela jakin zuen —polizien tiroen ondorioz hil zen—, eta ihesaldian erabilitako autoa bere izenean zegoela. Irratietan susmagarrien artean bere izena zabaltzen ari zirenez, ihes egitea erabaki zuen Ilundainek.

Egun hartan parte hartu zuten poliziek ere hitz egin dute, baina euretako batek ere ez du Ilundain atentatuaren tokian kokatu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna