Mendebaldeko Sahara

Marokok debekatu egin die Mendebaldeko Saharan sartzea Eusko Legebiltzarreko lau parlamentariri

Astebeteko lan bisita bat egitera joanak ziren Carmelo Barrio (PP), Iñigo Martinez (Elkarrekin Podemos), Eva Juez (EAJ) eta Josu Estarrona (EH Bildu), eta Aaiungo aireportuan hegazkinetik jaisten ere ez diete utzi.

Eusko Legebiltzarreko ordezkariak hegazkinean, atzo.
Eusko Legebiltzarreko ordezkariak hegazkinean, atzo. Equipe Media Tamaina handiagoan ikusi

Paulo Ostolaza -

2019ko abenduak 2

Eusko Legebiltzarreko lau legebiltzarkideri Mendebaldeko Saharan sartzea debekatu zien Marokok, atzo. Astebeteko lan bisita bat egitera zihoazen Carmelo Barrio (PP), Iñigo Martinez (Elkarrekin Podemos), Eva Juez (EAJ) eta Josu Estarrona (EH Bildu), baina Aaiungo aireportuan hegazkinak lurra hartu orduko, Marokoko Gobernuko kide batek esan zien ezin zirela hegazkinetik jaitsi. Hegazkinak Las Palmasera (Kanaria Handikoa) itzuli behar izan zuen, eta legebiltzarreko ordezkaritza Bilbora bidean da jada. Martinezek zabaldu zuen hegazkinetik jaistea egotzi zieten unea, Twitter bidez.

Legebiltzarreko Bakea eta Askatasuna lantaldeko kideen asmoa zen Fronte Polisarioko ordezkariekin eta giza eskubideen aldeko elkarteetako kideekin hitz egitea, baina Marokok ez die utzi. Talde horrek 1991. urtetik du harremana SEAD Saharako Errepublika Arabiar Demokratikoko ordezkariekin. Egonaldia lau politikariekin batera egitekoa zen Nezha Khalidi kazetari eta aktibista sahararra. Aurten Marokok Khalidiren aurka egina duen epaiketa batek oihartzun handia izan du nazioartean.

Atzo zabaldutako ohar batean, EAJk salatu egin zuen Marokok «herri sahararraren errealitatea bahitzeko egindako saialdia». Jeltzaleek «gardentasun falta» egotzi zioten Marokoko gobernuaren jarrerari. PPko Karmelo Barriok esan zuen, berriz, bere alderdian gai horren inguruan «jarrera oso pluralak» daudela, bai eta «Euskadin» Mendebaldeko Sahararekiko elkartasuna «oso indartsua» dela ere. Espainiak afera horretan duen jarrera da Saharako ekintzaileen salaketa nagusietako bat, Brahim Dahanek BERRIAri azaldu zion moduan, duela bi hilabete. Juan Karlos Izagirre EH Bilduko kideak ere ardura hori euren gain hartzeko eskatu zien Eusko Legebiltzarrean ordezkaritza duten alderdi espainiarrei: «Eskaera bat PSOE, PP eta Podemosi: bideratu ezazue behingoz deskolonizazioa Saharan, zuen ardura da. Bada garaia!».

Bidaiak zeresana eman du aurten, Fronte Polisarioak Aljerian dituen kanpamentuetara bidaiatzea «arriskutsua» dela ohartarazi zuelako Espainiako Gobernuak joan den astean. NBE Nazio Batuen Erakundeak eta Fronte Polisarioak, ordea, gezurtatu egin zuten arriskutsua zenik Tindufera bidaiatzea.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna