Euskal presoak

Otsailaren 27an emanen dute Ibon Fernandez Iradiren zigorra eteteari buruzko epaia

Joan den azaroaren 12an, euskal preso horren espetxe zigorra etetearen aldeko epaia eman zuen Zigorrak Ezartzeko Frantziako Auzitegiak, baina prokuradoreak helegitea aurkeztuta, gaur aztertu dute berriro auzia. Fiskalak bertze osasun azterketa bat egiteko eskatu du: bosgarrena dagoeneko. Esklerosi anizkoitza du Fernandez Iradik: larriki eri dauden hemeretzi euskal presoetarik bat da.

Ibon Fernandez Iradi aske uztea galdegiteko protesta bat, Baionan, 2014an. Orduan hasi zuen epaitegietako bidea.
Ibon Fernandez Iradi aske uztea galdegiteko protesta bat, Baionan, 2014an. Orduan hasi zuen epaitegietako bidea. BOB EDME Tamaina handiagoan ikusi

Maddi Ane Txoperena Iribarren -

2020ko urtarrilak 13

Epaitegiak Ibon Fernandez Iradiren zigorra etetearen aldeko ebazpena kaleratu zuen joan den azaroaren 12an, baina gaur berriro aztertu behar izan dute Dei Auzitegian, fiskalak jarritako helegiteagatik. Maritxu Paulus Basurko abokatuak jakinarazi duenez, otsailaren 27a emanen dute epaia.

Abokatuek greba eguna zuten gaur Frantziako Estatuan, baina Paulus Basurkok erran du auzira joan egin dela gaia «urgentea» delako, eta halaxe adierazi duela auzi saioan ere. Fiskalak bertze osasun azterketa bat egiteko eskatu du gaurko saioan; defentsaren abokatuak azaldu duenez, bosgarrena dagoeneko: «Lau azterketatan bost medikuk eman dute jadanik iritzia», Paulus Basurkoren hitzetan. Otsailaren 27an ikusiko da Fernandez Iradi baldintzapean aske uztearen aldekoa den epaia ala ez.

2010ean agertu zitzaizkion eritasunaren lehen aztarnak, eta 2012an diagnostikatu zioten esklerosi anizkoitza Fernandez Iradiri. Medikuen txostenek diote haren eritasuna ez dela bateragarria espetxearekin. Joan den astean Etxerat euskal presoen senideen elkarteak oroitarazi zuenez, larriki eri dago Fernandez Iradi, eta aske behar luke. Lannemezango (Okzitania) espetxean dago gaur egun preso, eta hamazazpi urte daramatza kartzelan. Larriki eri dauden hemeretzi euskal presoetarik bat da.

Bide judizial korapilatsua

Duela sei urte ekin zion Fernandez Iradik epaitegietako bideari, frogatu nahian kartzela eta bere gaixotasuna ez direla bateragarriak. Bi medikuk azaldu zuten euskal preso horrek espetxetik atera behar zuela, baina Parisko prokuradorea kontra agertu zen orduan ere. Dei Auzitegiak ezezko erantzuna eman zuen 2015eko maiatzean, baina Kasazio Auzitegiak 2016ko ekainean ebatzi zuen ez zela zuzena Fernandez Iradiren eritasuna eta kartzela bateragarriak zirela zioen epaia. Orduan, berriro abiatu zuen epaitegien aurkako borroka.

Urteotan guziotan, protesta ugari egin dituzte Fernandez Iradi aske gelditzearen alde, eta instituzioetara ere eraman dute gaia. Gipuzkoako Batzar Nagusiek, erraterako, hura aske uztea galdegin zioten iaz Frantziari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aizpurua (EH Bildu), Asens (UP), eta Rufian (ERC), haien atzean, zuzenketa aurkeztu zutenean. ©Mariscal / Efe

Etxegabetzeak eteteko zuzenketa bateratua kendu dute EH Bilduk, ERCk eta UP Unidas Podemosek

Igor Susaeta

Bi indar subiranistek argudiatu dute erabakia hartu dutela auzia bideratzeko lege dekretu bat onartzekotan delako Espainiako Gobernua

Arnaldo Otegi EH Bilduren koordinatzaile nagusia, atzo, agerraldi bateratuan, atzeko pantailan Marta Vilalta ERCren idazkari nagusiaren ondokoa dagoela. ©EH BILDU

EH Bilduk eta ERCk «ezker erabilgarria» izan nahi dute

Igor Susaeta

Arnaldo Otegiren esanetan, bi indarrek aurrekontuak babestuko dituzte «herritarren bizi baldintzak hobetu ahal izateko» eta eskuin muturraren agendari «galga» jartzeko
Ezkerretik, Sara Hidalgo, Idoia Mendia eta Angel Comonte, atzo, Bilbon. ©ARITZ LOIOLA / FOKU

«Ahaztuen artean ahaztuak»

Gotzon Hermosilla

ETAren indarkeria pairatutako PSE-EEko emakumeen bizipen eta testigantzak jaso dituzte liburu batean. Idoia Mendia: «Sozialistoi ezin digu inork tinkotasun irakaspenik eman»
Pilar Garrido Ahal Dugu-ko idazkari nagusia. ©Juan Carlos Ruiz / Foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna