Albistea entzun

EZBEHARRA

Jaurlaritzak jasoa zuen Zaldibarko zabortegian amiantoa zegoela

2007an hondakindegia zabaltzeko baimenean onartu zioten enpresari amiantoa hartzea: «isolatzeko material eta eraikitzeko material amiantodunak» jasotzeko baimena zeukan.

Erreskate taldeetako kideak, atzo, hondakidegian.
Erreskate taldeetako kideak, atzo, hondakidegian. SOS Deiak Tamaina handiagoan ikusi

Garikoitz Goikoetxea -

2020ko otsailak 7 10:49

Amiantoa atzemanda, eten egin dituzte Zaldibarko zabortegian (Bizkaia) erreskatea egiteko lanak. Osalan lan segurtasuneko agentziak agindu du lanak eteteko, inguruan aritzeak arriskuan jar ditzakeelako erreskate taldeetako kideak. BERRIAk dokumentu ofizialetatik jaso duenez, Eusko Jaurlaritzak bazekien hondakindegi horretan amiantoa zegoela.

EAEko aldizkari ofizialean 2007ko martxoan argitaratu zuten zabortegia zabaltzeko baimena, Verter Recycling 2002 enpresak eskatua. Ebazpen hartan zehaztu zuten zer ingurumen neurri hartu behar zituen zabortegiak, eta eranskin batean ageri da zer gisatako hondakinak har ditzakeen: tartean daude «isolatzeko material eta eraikitzeko material amiantodunak». Areago, amiantoa bakarrik ez, beste hondakin arriskutsu batzuk ere egon daitezke hondakindegian, honako hauek hartzeko baimena eman baitzioten: «Eraikuntzako eta eraispen lanetako hondakinak (leku kutsatuetatik ateratako lurra barne)»

Amiantoari buruz Eusko Jaurlaritzak egindako beste txosten batean ere ageri da Verter Recycling enpresaren zabortegiari buruzko erreferentzia. Lan Sailak erregistro bat egina du amiantoaren arriskua duten enpresekin, eta tartean ageri da Zaldibarko zabortegiko enpresa. 2017ko irailean sartu zuten zerrendan.

Amiantoa erabiltzea debekatuta dago Europako Batasunean 2005az geroztik, osasunarentzat arriskutsua delako. Minbiziarekin lotua dago. Sektore ugaritan erabili izan dute amiantoa: eraikuntzetako tresnerian, ibilgailuetarako osagai batzuetan, ontzietan, margoetan, talko produktuetan... Amiantoarekin lan egindako ehunka pertsonaren heriotza dokumentatua dago Euskal Herrian, eta epaitegiek zigortuak dituzte dozenaka enpresa, langileen osasuna ez babesteagatik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gotzone Sagardui, Eusko Legebiltzarrean. ©Raul Bogajo / Foku

Donostia aldeko ESIan «pertsonen aldaketa bat» behar zela nabarmendu du Sagarduik

Jon O. Urain

Sailburuak azaldu du zuzendaritza berriak eta Osakidetzako buruzagiek «ikuspegi bera» dutela, eta «gertaera kate baten» ondorioz beharrezkoa zela Donostia aldeko ESIko zuzendaritza aldatzea.

Rebeka Ubera eta Maddalen Iriarte, Eusko Legebiltzarrean, artxiboko irudian ©Raul Bogajo/ Foku

Sagarduik ez luke karguan segi beharko, EH Bilduren arabera

Edurne Begiristain - Julen Aperribai

Elkarrekin Podemos-IUk eta PP+C’s-k agerraldi bat egiteko eskatu diote sailburuari Eusko Legebiltzarrean. PP+C's-ek Sagardui kargutik kentzeko eskatu dio lehendakariari.

Azken agurra Jakes Abeberriri

Jakes Abeberri ehortzi eta omendu dute Miarritzen

Oihana Teyseyre Koskarat

Txiki gelditu da Santa Eugenia eliza. Pasa den astean hil zen, 92 urte zituela.

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.