Lurraldetasuna

Bretainiako Kontseiluak batasunari buruzko galdeketarako diru sail bat bideratu nahi du aurrekontuetan

100.000 euro gordetzeko asmoa dute Bretainia eskualdea eta Loire-Atlantique departamentua elkartzeari buruzko erreferendum bat antolatzeko. Arratsaldean egingo dute bozketa.

Bretainia historikoaren zatiketa.
Bretainia historikoaren zatiketa. BERRIA Tamaina handiagoan ikusi

Ander Perez Zala -

2020ko otsailak 14

Bretainia historikoari begirako beste pauso bat eman nahi du Bretainiako Kontseiluak: aurtengo aurrekontuetan, Bretainia eskualdea eta Loire-Atlantique departamentua batzeari buruzko balizko erreferenduma finantzatzeko 100.000 euro gordetzeko proposatu dute. Loig Chesnais-Girard Bretainiako Kontseiluko presidenteak —Alderdi Sozialistakoa (PS)— atzo aurkeztu zuen zuzenketa, batasunari begira dagoen «aho bateko engaiamendu kolektiboa are gehiago indartzeko». Gaur arratsaldean dira aurrekontuei buruzko bozketa egitekoak.

Frantziako Errepublikaren lurralde egiturak bitan banatzen du Bretainia historikoa: batetik, Bretainiako eskualdea dago, lau departamentuk osatzen dutena eta lurralde historikoaren zatirik handiena hartzen duena; bestetik, Loire-Atlantique departamentua, hegoaldean dagoena: Naoned du hiriburutzat (Nantes), eta Pays de la Loire eskualdearen parte da.

Batasunari buruzko erreferendumaren aldeko DIBAB erakundeak pozez hartu du diru sailari buruzko albistea, «eztabaida politikoan aurrerapauso bat» delakoan. Bretainia historikoa elkartzeaz gain, erakundeak helburutzat du balizko erreferendumean lurralde horrek izan behar lituzkeen eskumenez ere galdetzea.

Batasunari buruzko erreferendum bat egiteko, Bretainia eskualdearen eta Loire-Atlantiqueko departamentuaren baiezkoa dira beharrezkoak. Lehenak hainbatetan eman du oniritzia galdeketa egitearen inguruan, baina bigarrenak ez du aldeko jarrerarik erakutsi.

Duela bi urte, auzi horretaz egindako bozketan, Loire-Atlantiqueko Kontseiluak ezezkoa eman zion erreferendumari. Zatiketaren aurkako mugimenduek 100.000 sinadura bildu zituzten kontseiluari eskatzeko galdegin dezala Loire-Atlantique Bretainia eskualdean sartzea, baina kontseiluko 62 kideetatik 30ek aurka bozkatu zuten, eta alde soilik hamahiruk —hamabostek abstentzioa eman zuten, eta lauk ez zuten bozketan parte hartu—.

Diru sailaren bozketa batasunari buruzko batzorde batek landutako txostenaren harira egin dute. Isabelle Le Bal kontseilaria —MoDem alderdi zentristakoa— eta Jean-Michel Le Boulanger kontseiluko lehen presidenteordea —PSkoa— buru zuen lantaldeak honakoa ondorioztatu zuen: «Lurralde kolektibitateen zatiketaren auzia demokratikoa da, eta modu demokratikoan egin behar zaio aurre. Herritarren iritzia entzun beharra dago».

Bretoien gehiengoa, iritzia ematearen alde

Iragan abuztuan, DIBAB erakundeak kaleratu zuen inkesta baten arabera, Bretainia historikoko herritarren %67 lurraldearen batasunari buruzko erreferendum bat egitearen alde leudeke, eta erdiek bozkatuko lukete bost departamenduak batzearen alde.

Antzeko kasua izan zuten duela gutxi Alsazian. 2016an François Hollanderen lurralde berrantolaketaren harira zatitu egin zuten, baina iaz Frantziako Gobernua prest agertu zen batasuna ahalbidetzeko, eta, Frantziako Asanblea Nazionalean onarturiko lege proiektu baten bidez, Rhin Garaia eta Rhin Beherea departamentuak Alsaziako Kolektibitate Europarra deituriko kolektibitatean batuko dituzte, datorren urtetik aurrera.

Estatus politiko berriari esker, kolektibitate berriak estatuaren eskumen batzuk jasoko ditu, batzuk estreinakoz: hala nola hizkuntzaren, turismoaren, errepideen edota mugaz gaindiko harremanen arloan, Alemaniarekin eta Suitzarekin harremanak handitzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna