Albistea entzun

Krisia PP-n

Alfonso Alonsok dimisioa eman du

«Triste nago alderdiarengatik», adierazi du PPko EAEko presidente ohiak. Bost urte eman ditu alderdiaren buruzagitzan, eta Carlos Iturgaiz Jaurlaritzarako lehendakarigai izendatu izanak saihetsezin egin du haren dimisioa. Amaia Fernandezek ordezkatuko du, behin-behinean.

Alfonso Alonso, urtarrilean. /
Alfonso Alonso, urtarrilean. / Adrian Ruiz de Hierro/EFE Tamaina handiagoan ikusi

Jon O. Urain -

2020ko otsailak 24

PPko Euskal Autonomia Erkidegoko zuzendaritzak batzarra egin du gaur arratsaldean, eta bertan eman du dimisioa Alfonso Alonso presidenteak. Bilerara iristean, adierazi du «alderdiarengatik triste» dagoela, eta amaitzean eman ditu azalpenak: «Alderdiaren konfiantzarik ez dudanez, dimisioa aurkeztu dut». Erabakiak ez du «atzera-bueltarik», eta, dimisioa aurkeztuta, amaitutzat jo du bere jarduera publiko eta politikoa». Hunkituta mintzatu da Alonso, eta eten egin behar izan du hitzaldia.

Amaia Fernandez PPko EAEko idazkari nagusiak ordezkatuko du Alonso behin-behinean, alderdiak kongresu bat egin bitartean. Nerea Llanos legebiltzarkideak eman du erabakiaren berri.

Azken egunetan, Madrilgo eta EAEko zuzendaritzaren arteko giroa ozpindu du PPk eta Ciudadanosek apirilaren 5eko hauteskundeei begira koalizio bat osatzeko aukerak, eta Pablo Casado presidenteak atzo jakinarazi zion Alonsori ez zela bera izango lehendakarigaia, Carlos Iturgaiz baizik. Erabaki horrek saihestezin egin du Alonsoren dimisioa.

Bost urte pasatxo dira Alonso Alonsok (Gasteiz, 1967)  EAEko PPren gidaritza hartu zuenetik, Arantza Quirogak dimisioa eman eta gero. Zortzi urte eman zituen Gasteizko alkatetzan, 1999tik 2007ra, eta Espainiako politikara joan zen ondoren; 2014an, Espainiako Osasun ministro izendatu zuten.

Mariano Rajoyk 2018ko udan PPko presidentetza utzi eta gero, Alonsok Soraya Saenz de Santamariaren aldeko posizioa hartu zuen, baina Pablo Casadok irabazi zuen Rajoy ordezkatzeko prozesuan, eta horrek zailtasunak areagotu ditu bi zuzendaritzen artean. Iaz, Espainiako Gorteetarako hauteskundeei begira, Casadoren taldeak erabaki zituen Arabako, Bizkaiko eta Gipuzkoako zerrendaburuak, Alonsoren taldearen irizpidearen kontrara. Orain, Alonsok salatu izan du hedabideen bidez jakin duela PPk eta Ciudadanosek akordioa egin dutela koalizioan aurkezteko.

Gaurko batzarrera sartzerakoan, ordea, mintzatu dira beste buruzagi batzuk ere. Raquel Gonzalez Bizkaiko presidenteak esan du Iturgaizena "aukeraketa bikaina" dela, «pisuzko gizona» delako eta «ideiak garbi» dituelako. Horregatik, Bizkaian «ilusio handiz» hartu dute haren izendapena. Gonzalez Casadoren sokakoa da, eta, El Mundo egunkariak argitaratu duenez, hura izan da ahots kritikoenetako bat Alonsoren posizioaren kontra.

Haatik, Iñaki Oiartzabal Arabako presidenteak esan du Alonso zela hautagairik onena, baina Iturgaiz «leialtasun eta ardura osoz» tratatuko dutela. Carmelo Barrio legebiltzarkideak, berriz, adierazi du Alonso «ordezkaezina» dela eta bera nahiz Iturgaiz «lehen mailako politikariak» direla: «Alderdiaren onerako egingo dugu lan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sareren agerraldia gaur, Donostian ©Sare

Espetxe politikaren aldaketa «sendotzeko», manifestaziora deitu du Sarek larunbaterako

Oihane Puertas Ramirez

ETAk jardun armatua eten zueneko hamargarren urteurrenaren bezperan, eskubide urraketa guztiei irenbidea emateko eskatu du plataformak. Manifestazioa 17:00etan aterako da Antiguako tuneletik. Baieztatu du, besteak beste, Kataluniako preso politikoen ordezkaritza bat egongo dela, eta Gatibuk emanaldia egingo duela amaieran.

<b>Aieteko jauregia.</b> Arkaitz Rodriguez eta Arnaldo Otegi, atzo, Donostian egindako agerraldian. ©JON URBE / FOKU

ETAren biktimei mina adierazi, eta ez zela «inoiz gertatu behar» erran dute

Maddi Ane Txoperena Iribarren

Arnaldo Otegik eta Arkaitz Rodriguezek «atsekabea» adierazi diete ETAren biktimei, «jasan duten sufrimenduagatik»: «Asko sentitzen dugu». Sufrimendua «arintzeko konpromisoa» hartu dute

Rodriguez eta Otegi, Aieten, atzo. ©Jon Urbe / Foku

Otegi: «Bide baketsuaren aldeko apustua betirako etorri da»

Iosu Alberdi

Rodriguezek eta Otegik esan dute adierazpena ez dela erantzun bat jasotzeko egin. Eusko Jaurlaritzak eta Nafarroako Gobernuak urrats gehiago egiteko eskatu diote ezker independentistari.

Maixabel Lasa, Eusko Jaurlaritzako Biktimen Arretarako zuzendari izandakoa. ©Jon Urbe / FOKU

Espero zuten «berri ona»

Jon O. Urain

Minaren aitortzari buruzko adierazpena begi onez ikusi dute BERRIAk kontsultatutako ETAren biktimek; aspaldi eskatutakoa zelako eta «bizikidetzari ekarpena» egiten diolako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.