Noiz sortua: 2020-04-10 11:22:45

Aberri Eguna

Nazioarteko hamabost lagunek bat egin dute Aberri Eguna batera ospatzeko deialdiarekin

Irlanda, Eskozia, Katalunia, Galizia eta Kurdistango hainbat lagunek elkartasun argazkia bidali dute, Aberri Eguna "elkartasunean ospatzea" opaz (zerrenda, albistearen amaieran).

Gerry Adams. /
Gerry Adams. / WILL OLIVER/EFE Tamaina handiagoan ikusi

Jon Ordoñez Garmendia -

2020ko apirilak 10

Nazioarteko hainbat lagunek euren babesa eman diote Aberri Egun bateratuari. Euskal Herriko hainbat pertsona ezagunek egin dute deialdia, eta gaur babes garrantzitsua jaso du ekimenak. Babestu dutenen artean daude Gerry Adams Sinn Feineko lider historikoa, Elisenda Paluzie ANCko lehendakaria, Marcel Mauri Omnium Culturaleko bozeramailea, Shona McAlpine Scottish Independence Convention-eko kidea eta beste 11 lagun.

"Koronabirusak eragindako une zailotan indarra" helarazi nahi izan diote horiek guztiak etzi Aberri Eguna batera balkoietan ospatzeko deialdiari. Gerry Adamsek Aberri Egunerako bidali duen argazkian Solidarity on Basque National Day  idatzi du (elkartasuna Euska Herriko egun nazionalean). Paluzie eta Maurik katalanez idatzitako mezuarekin azaldu nahi  izan diote elkartasuna eta babesa euskal herritar guztiei: "Egoera zail honetan, Aberri Egun berezi hau elkartasunez ospatzea opa dizuegu". McAlpinek ere mezu bera helarazi du ingelesez.

Euskal Herria Batera ekimenak aurreko asteburuan egin zuen aurten Aberri Eguna batera ospatzeko deialdia, hildakoen senideei dolua adierazteko eta koronabirusari aurre egiten ari zaienekiko harrotasunez eta eskertzaz. Hiru gauza proposatu dituzte: aurretik elkartasuna adieraziz irudiak bidaltzea www.aberrieguna2020.eus webgunera ikur digital erraldoi bat egiteko, eta igandean balkoietan ikurrinak eta Nafarroako banderak jartzea eta 12:30ean Txoriak txori abestea.

Irlanda
Gerry Adams
Chris MacManus, Sinn Feineko diputatua Europako Parlamentuan

Eskozia
Shona McAlpine, Scottish Independence Convention-eko kidea
John Finnie, Eskoziako parlamentaria, Scottish Greens Eskoziako Alderdi Berdekoa

Katalunia
Jaume Alonso-Cuevillas, JxCat diputatua
Josep Lluis Cleries, JxC senataria
Elisenda Paluzie, ANCko lehendakaria
Marcel Mauri, Omnium Culturaleko bozeramailea

Galiza
Ana Miranda, BNGren ordezkaria Europarako
Montse Prado, BNGko diputatua Galizian
Ruben Cela, BNGko zuzendaritzako kidea eta Galiza Sempre Fundazioko presidentea
Bieito Lobeira, BNGko Antolakuntza arduraduna

Sahara
Lehbib Moh Fadel, Samarako Farsia 3ko dispensarioko sendagilea

Kurdistan
Saruhan Oluç, HDPko diputatua
Meral DanıÅŸ BeÅŸtaÅŸ, HDPko diputatua

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna