Noiz sortua: 2020-05-21 16:28:59

Akordio baten hiru ondorio

 

Jon O. Urain -

2020ko maiatzak 22

PSOEk taula politikoan kolpe bat eman du azken orduetan, Unidas Podemosek eta EH Bilduk Lan Erreforma indargabetzearen inguruan lortutako akordioak nahiz hitzarmen hori argitaratu eta hiru ordu eskasera PSOEk eginiko ñabardurak. Akordioak jokalekuak zabal ditzake Madrilen, baina itunaren eragina berehalakoa izan daiteke euskal politikagintzan ere.

Akordioaren edukiaz harago, aldagai ugari mugiaraz ditzakeen ondorioak sor ditzake atzoko sinadurak. Batzuk, Madrilera begira: PSOE Ciudadanosekin flirteatzen hasi den asteotan, Unidas Podemosek EH Bilduren Troiako zaldia sartu dio Sanchezen gobernuari. Ciudadanos PSOErengandik uxatzeko antidotoa izan daiteke indar subiranista; separatistek betetzen duten espazioan, lekurik ez nazionalista espainiarrentzat. Baina pasatuko da izurria, eta bidean konfiantza falta handiegia utziko du PSOEk legealdi oso bat kudeatzeko; saio bakarrean balizko bazkide ugari haserretu ahal izan ditu: ERC —Ciudadanosi men egiteagatik—, EH Bildu —akordioa hiru ordura aldatzeagatik—, eta Ciudadanos —EH Bildurekiko ituna ezkutatzeagatik—.

EAJrentzako abisua ere izan daiteke atzoko hitzarmena; EH Bildu sustatuta, euskal mintzakidetzaren monopolioa ken diezaiokete PSOEk eta UPk EAJri, eta auzitan jarri euskal agendatzat jo daitekeenaren eta EAJren agendaren arteko bat egite ia osoa. Etorkizuneko negoziazioetara begira, bi eskaintza izateak merkatu lezake bakoitzak kobratu nahi duen prezioa.

Baina, batez ere, ikusteke dago atzokoak nolako eragina izan dezakeen uztailaren 12ko hauteskundeetan. Pieza handia ehizatu du EH Bilduk akordioa sinatze hutsarekin: indar subiranistaren siglei lotuko zaie Mariano Rajoyren gobernuak ezarritako lan erreforma bertan behera utzi —edo lehentasunetan jarri— izana, kalean mobilizazio jendetsuak eragin zituena. Eta, batez ere, egunotako markoa aldatu du, hain lokaztua zaion joko zelaia —pintaketak, kondena, gatazkaren kontakizuna— bigarren mailan utzi eta fokua ezkerreko politika publikoetan jarrita; lorpen bat, 52 egun falta dituen lasterketan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hegoaldea, hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Lanbideren bulego bat itxita, maiatzaren hasieran, Bilbon. ©Luis Jauregialtzo / Foku

Ia 3.800 langabe gehiago maiatzean, Hego Euskal Herrian

Edu Lartzanguren

Denera, 182.852 pertsona daude izena emanda lana topatzeko zerbitzuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna