Noiz sortua: 2020-05-21 16:29:12

Garridok «ezkerreko hiruko bat» du helburu

EAEko Ahal Dugu-ko idazkari nagusi izateko hautagaiaren ustez, bere alderdia da EH Bilduren eta PSE-EEren artean akordioak lortzeko «zubia»

Pilar Garrido, iazko apirilean
Pilar Garrido, iazko apirilean Jagoba Manterola / Foku Tamaina handiagoan ikusi

Igor Susaeta -

2020ko maiatzak 21

EAEn «gobernu aldaketa bati» bide eman ahal izateko, «ezkerreko hiruko baten» bueltan «bildu» beharko lukete Ahal Dugu-k, EH Bilduk eta PSE-EEk. Hori uste du Pilar Garrido alderdi morearen EAEko adarraren idazkari nagusi izateko hautagaiak, eta, hain zuzen, bat egite hori izango du helburu. Hautagaitza aurkeztu du gaur, baina ez du jakinarazi zeintzuek osatuko duten 20ko zerrenda. Miren Gorrotxategi Elkarrekin Podemosen lehendakarigaia izango da horietako bat —«protagonista» izango dela esan du hautagaiak—, eta Gorrotxategik berak, hain zuzen, Garridok planteatutako helburu bera plazaratu izan du.

Bideokonferentziaz egindako agerraldian adierazi duenez, helburu nagusia izango da «herri batasuneko benetako mugimendu bat» sortzea «eredu alternatibo»» batekin. Haren arabera, mugimendu horrek «gizarte zibil antolatuarekin» lotuta egon beharko luke.

Garridori iruditzen zaio helburu horiek lortzeko ahaleginean Ahal Dugu dela EH Bilduren eta PSE-EEren arteko akordioak lortzeko «zubia». Gogoratu du hori agerian geratu zela atzo, «berriro», Espainiako Kongresuan, PSOEk, UP Unidas Podemosek eta koalizio independentistak lan erreforma indargabetzea adostu zutelako. «Unidas Podemos egongo ez balitz, itun horiek nekez egingo ziren. Argi dago bere bazkide sozialistaren eta EH Bilduren artean akordioak ehuntzeko gai dela».

Alderdiaren zuzendaritzan ahalik eta sektore gehien bildu nahi ditu Garridok, baina Lander Martinez aurreko idazkari nagusiaren taldekoak ez dira zuzendaritzan egotekoak. Maiatzaren 28ra arte dago irekita hautagaitzak aurkezteko epea, baina, hautagai independenteren bat primarioetara aurkeztuta ere, Garridorena izango da irabazteko aukerak edukiko dituen bakarra.

Hurrengo idazkari nagusia aukeratzeko bideokonferetzia bidezko kanpaina ekainaren 9tik 17ra egitekoa da; militanteak ekainaren 12tik 17ra dira telematikoki bozkatzekoak, eta, ondo bidean, ekainaren 19an argitaratuko dituzte emaitzak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Bortzgarren neurri sorta onartu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Madrilek atzera egin du: uztailaren 1ean irekiko du Iparraldearen eta Hegoaldearen arteko muga

Jon O. Urain

Aurrena, Reyes Maroto Espainiako Industria ministroak eman du dataren berri, baina gobernuak gero zuzendu egin du ministroak esandakoa. Ia hiru hilabete dira muga itxita dagoela, eta horrek eragozpen ugari eragin dizkie eremu horretan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna