Ekainaren 15ean hasiko da hondartza sasoia Bizkaian

Ohiko zerbitzuak egokituta zabalduko dituzte hondartzak Bizkaian. Zarautzen zazpi zatitan bereiziko dute. Donostian astelehenean irekiko dituzte. Lapurdin gaur zortzi zabaldu zituzten.

Sopelako Atxabiribil hondartza, hutsik, artxiboko irudi batean.
Sopelako Atxabiribil hondartza, hutsik, artxiboko irudi batean. Luis Jauregialtzo / Foku Tamaina handiagoan ikusi

Jon O. Urain -

2020ko maiatzak 22

Bizkaiko Foru Aldundia kostaldeko udalerrietako ordezkariekin batzartu da, COVID-19 izurriaren aurrean hondartzetan nola jokatu erabakitzeko. Diputazioak jakinarazi duenez, adostu dute hondartzetan zerbitzu guztiei eustea baina horietako batzuk egoerara «egokitzea».

Esaterako, zaborrontziak kenduko dituzte, eta dutxa kopurua murriztu, jendearen arteko distantzia bermatu ahal izateko. Garbiketa lanak ere indartuko dituzte. Gainera, sorosleek ikuskatuko dute zenbat jende elkartzen den hondartzetan. Herritarrek metro eta erdiko tartea gorde beharko dute euren artean, harean nahiz uretan. Diputazioa eta udalak datorren asteartean elkartuko dira berriro, udalek aldundiari eman diezazkioten hondartza bakoitzerako egin behar dituzten proposamen zehatzak.

Zarautzen (Gipuzkoa), berriz, zazpi zatitan bereiziko dute hondartza, eta horietako bat itxi egingo dute itsasgorarekin, Xabier Txurruka alkateak jakinarazi duenez.

Lapurdiko kostaldean, larunbatetik dute aukera herritarrek hondartzara joateko. Bertako hondartzak, ordea, «dinamikoak» izango dira; ibiltzea eta bestelako jarduerak baimenduak izanen dira, baina ez da hondarretan geldirik egoteko aukerarik izanen. Obretan diren Bidarteko Erretegia eta Zokoako gotorlekua salbu, Lapurdiko bertze hondartza guztiak irekiak daude dagoeneko. Donostian, datorren astelehenetik aurrera zabalduko dituzte hondartzak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe
Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna