Bigarren fasean ere «zuhur» jokatzeko eskatu die Jaurlaritzak herritarrei

Mikel Sanchezek jakinarazi du azken egunetako kutsatzeak familia barruan gertatzen ari direla, eta udazken-neguetarako indartu egingo dutela ohiko gripearen aurka txertatzeko kanpaina.

Mikel Sanchez.
Mikel Sanchez. / Irekia Tamaina handiagoan ikusi

Jon O. Urain -

2020ko maiatzak 25

Astelehenarekin, konfinamendutik irteteko bigarren fasera igaro dira gaur Araba, Bizkaia, Gipuzkoa eta Nafarroa, Hego Euskal Herrian koronabirusaren eraginez inor hil ez eta biharamunean. Datu positibo hori ikusita, Jaurlaritzak «zuhur» jokatzeko eskatu die herritarrei, izurria berriro zabaltzea «oso gogorra» litzatekeela argudiatuta.

Radio Euskadin eginiko elkarrizketa batean, Mikel Sanchez Jaurlaritzako Osasun Saileko Planifikazio eta Ebaluazio zuzendariak nabarmendu du izurriaren bilakaera «positiboa» izaten ari dela azken asteetan: «Munduko zuhurtzia osoarekin, egoera normaltzen ari da». Sanchezek erantsi du helburuak izan behar duela egoerak okerrera ez egitea. 

Halere, ohartarazi du izurria igarota ere ez dela «erabateko normaltasunik» egongo eta «normaltasun berri bat» biziko dela aurrerantzean, eta neurriak hartzea beharrezkoa izango dela pandemia berriro hazi ez dadin: «Osasun sistemaren ikuspegitik, bereziki adi egon behar dugu ziurtatzeko hori gertatzen dela».

Hirugarren faseari begira, Sanchezek ukatu egin du zazpi edo zortzi egunekoa izango denik. Orain arteko fase guztiek hamabost eguneko iraupena izan dute, baina azken orduetan zabaldu da balitekeela hemendik aurrerakoak laburtzea pandemiaren bilakaera ona bada. Sanchezek esan du «datuak begiratu» beharko direla baina, edozein kasutan, eboluzioa «oso ona» izaten ari dela: «Aztertzen ari gara ikuskaritza sistema bat ezartzea egoera behatzeko, eta egia da gure datuen eboluzioa oso ona dela azken asteetan. Honek horrela jarraituz gero, egoera normaltzera iritsiko gara».

Kutsatu berrien kopurua «oso apala» izaten ari denez, «itxaropentsu» azaldu da Sanchez: «Kutsatu berri horiek familia barruan gertatzen ari dira. Hor ari gara ahaleginik handiena egiten». Asmoa da gaixoak garaiz atzematea, ez ditzaten ingurukoak kutsatu.

Udazkenean edo neguan izurriak berriro gora egin dezakeela-eta, ordea, jakinarazi du Jaurlaritzak ohiko gripearen aurkako txerto kanpaina indartuko duela, ohiko gripearen sintomak COVID-19arekin nahas daitezkeelako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna