Arrazakeriak etxerik gabe uzten nau. Etxebizitza denontzat. Bizkaiko SOS arrazakeria taldeak etxebizitzan jarri du arreta aurten, Arrazakeriaren eta Xenofobiaren Aurkako Nazioarteko Egunean, eta lelo hori erabili dute igandean Bilbon egin duten manifestazioan. Irakurri duten manifestuan zera azpimarratu dute: oraindik ere arrazakeria eta xenofobia direla gaur egun «giza eskubideak urratzeko modu nagusietako bat, bizitzako esparru guztietan».
Hainbat eragilek eta faktorek arrazakeria legitimatzen dutela salatu dute, besteak beste, erakundeek, adin txikiko atzerritarren babes faltak, arraza dela-eta andreek zaintzaren arloan jasaten duten eskubide faltak, botoa emateko eskubiderik ezak...
Salimos a la calle para denunciar el racismo en la vivienda.
— SOS Racismo Bizkaia (@sosracismobiz) March 21, 2021
"El racismo me deja sin techo / EtxeBIZITZA denontzat."
Gaur, etxebixitzan ematen den arrazakeria salatzeko kalera irten gara. Hona hemen gure manifestua.
"El racismo me deja sin techo / EtxeBIZITZA denontzat." pic.twitter.com/F6jAFMVKSa
Horrez gain, gaitzetsi dute etorkinei eta ijitoei osasuna, hezkuntza edo bizilekua edukitzeko eskubidea ukatzen zaiela ere. Horretan jarri dute arreta berezia gaur, eta kasu jakin batzuk seinalatu dituzte, gehienak higiezinen sektorearekin lotutakoak: etxe agentziek eta etxebizitzak alokatzen dituztenek tratu baztertzailea ematen dutela arraza dela-eta, udalek zailtasunak jartzen dituztela erroldan sartzeko, auzokide arrazistek jazarpena eta oldarraldiak eragiten dituztela, eta espekulazioa dagoela etxebizitzen prezioen inguruan.
Gipuzkoan, honela zioen, esaterako, arrazakeriaren eta xenofobiaren aurka egiteko asmoz gaur Pasaiatik Donostiaraino eraman duten pankartak: Zure papera garrantzitsua da. Haiek paperik gabeko migratzaileen babesgabetasuna salatu nahi izan dute. Azaldu dute papergabeek «batere eskubiderik ez izatearen eguneroko infernuan» bizi behar izaten dutela, eta jakinarazi dute egoerak okerrera egin duela pandemiaren ondorioz. Gogoratu dute, halaber, etorkinek eskubideak dituztela, edozein administrazio egoeratan egonagatik ere, eta paperik ez edukitzea ez dela delitua: «Inor ez da ilegala».
Bagoaz #martxa2021-n!#ZurePaperaGarrantzitsuaDa#TuPapelesImportantepic.twitter.com/1k03Gl73sc
— SOS Arrazakeria Gipuzkoa (@Sos_Arrazakeria) March 21, 2021
