Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Pentsioak

Pentsioen erreforma aurrera doa, EAJren aldeko botoarekin eta EH Bilduren abstentzioarekin

Espainiako Kongresuko lan batzordearen onespenaren ondoren, osoko saioak eztabaidatuko du legegaia.

Jose Luis Escriva Espainiako Gizarte Segurantzako ministroa.
Jose Luis Escriva Espainiako Gizarte Segurantzako ministroa. Emilio Naranjo / Efe Tamaina handiagoan ikusi

Iker Aranburu -

2021eko azaroak 22

Gaur hasi da ikusten zer babes politiko duen pentsioen erreformak. Espainiako Kongresuko Lan Batzordeak ontzat hartu du gobernuak eta gizarte eragileek negoziatutako erreformaren lehen zatia, eta legegaia osoko bilkuraren esku geratu da. Aldeko botoa eman dute PSOEk, Unidas Podemosek, ERCk, EAJk eta Compromisek, eta aurkakoa PPk, Voxek, Ciudadanosek eta CUPek; EH bildu abstenitu egin da

Lege proiektuaren barruan daude ekainean erabakitakoak —batez besteko KPIaren arabera eguneratzea, gastu batzuk zergen kargu uztea, erretiro aurreratua zigortzea...—, baina baita joan den astean hitzartutakoa ere —kotizazioak hamar urte igotzea, pentsioen erreserba funtsa betetzeko—.

Halaber, diputatuek eztabaidan egindako aldaketa batzuk azalduko dira, hala nola alargun pentsioak ezkonduta ez dauden bikoteei ere ematea.

EH Bildu abstenitu egin den arren, hark eta ERC aliatuak negoziatutako zuzenketa batek aurrera egin du. Horren ondorioz, sei hilabeteko epean auditoria bat egin beharko dute Gizarte Segurantzak bere gain hartzen dituen gastuei buruz, eta ez dagozkion gastuak argitzeko.

Beste zuzenketa batek gobernua behartuko du urtebeteko epean gutxieneko pentsioen erreforma bat abiatzera, eta pentsio horiek SMI lanbide arteko gutxieneko soldatara lotzera.

ELAren presioa

EAJren eta EH Bilduren botoak erabakigarriak direla ikusita, haiei eta Elkarrekin Podemosekoei presio egiten ari da ELA, erreforma onar ez dezaten. Urriaren 24an kalera atera zen Hego Euskal Herriko hiriburuetan, Ez gaitzazue Madrilen saldu leloarekin.

Sindikatu horrek uste du erreformaren azken helburua dela pentsioen zenbatekoa jaistea, eta bereziki kritikoa da saria kalkulatzeko kotizatu beharreko epea luzatzearekin. Neurri hori erreformaren bigarren zati baterako utzi du Jose Luis Escriva Gizarte Segurantzako ministroak. Azken erreforma batek hamabostetik 25 urtera handitu du pentsioaren zenbatekoa kalkulatzeko zenbat urteko kotizazioak hartzen diren kontuan —aurten 24 urte izango dira, eta 25 urte 2022an—. Epe hori 35 urtera handitzeko aukera aipatu izan du Escrivak, baina baita kotizazio urterik txarrenak kalkulu horretatik kentzeko aukera ere, lan bizitzaren amaieran lanpostua galdutakoei kaltea txikitzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altan Bernedo enpresako langile bat, mobilizazioetako afixa bat eskuetan. ©ELA

Altan Bernedon greba mugagabea abiatu dute, hitzarmena lortzeko

Jokin Sagarzazu

Botika ekoizlea Arabako Mendialdeko enpresa nagusia da: 150 langile ditu; jabe berria du udatik. Sindikatuek KPIaren araberako igoera eskatu dute; zuzendaritzak, berriz, ekoizpenak baldintzatutakoa

 ©ARITZ LOIOLA / @FOKU

Hidrogenoa bertan da

Imanol Magro Eizmendi

Hidrogenoa naturatik lortzeko eta hura energia iturri gisa orokortzeko prozesuak izan duen bilakaera aztertu du Iñaki Dorronsorok Ekonomial ari Euskaldunen II. Biltzarrean.

Mitxel Lakuntza ELAko idazkari nagusia erdian, batzorde eragileko kideekin, atzo, Euskalduna jauregian. ©MONIKA DEL VALLE / FOKU

Lakuntza: «ELA okerren daudenen esanetara jartzea da gure helburua»

Imanol Magro Eizmendi

Sindikatuko idazkari nagusi hautatu dute berriz, bozen %90,69rekin. Euskal errepublikaren beharra defendatu du, eta iragarri konfrontaziora joko duela beharrezkoa bada: «Guretzat ez da hitz zakarra»

Langile publikoen protesta bat ©Monika del Valle (Foku)

Kontu Ganberaren arabera, «gehiegizkoa eta kezkagarria» da langile publikoen behin-behinekotasuna

Berria

Bi langiletik batek 50 urte baino gehiago ditu. COVID-19aren krisiaren eraginez Nafarroako aurrekontuetako adierazle gehienek okerrera egin dutela nabarmendu du bere txostenean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.