Albistea entzun

Pablo Gonzalez Varsoviatik 100 kilometrora dagoen espetxe batera lekualdatu dute

Lehen aldiz, konfiantzazko abokatu poloniar bat du defentsak. Auzia ere tokiz aldatu dezaketela jakinarazi dute.

Pablo Gonzalezen 'selfie' bat, Dniporren. /
Pablo Gonzalezen 'selfie' bat, Dniporren. / Pablo Gonzalez Tamaina handiagoan ikusi

Jon Ordoñez Garmendia -

2022ko apirilak 22

Pablo Gonzalez kazetaria espetxez aldatu dute. Público egunkariak haren sendiaren bitartez baieztatu ahal izan duenez, Varsoviatik 100 kilometrora dagoen espetxe batean da Gonzalez. Otsailaren 28an Ukrainako mugan atxilotu zutenetik Rzeszowko espetxean izan dute preso, Poloniako hiriburutik 400 kilometrora. Gutxienez, maiatzaren 29ra arte izango da behin-behineko espetxealdian.

Familiak begi onez hartu du espetxe aldaketa, hiriburutik gertuago dagoenez, horrek bere defentsa erraztuko duelako. Gainera, orain arte ez bezala, bere konfiantzazko abokatu poloniar bat du Gonzalezek. Gonzalo Boye da bere abokatua, baina aurrerantzean beste abokatu poloniar bat ere izango du. Aurretik ofiziozko bi abokatu poloniar izan ditu, baina horiekin ez dute aurrera egin.

Pubilco-k argitaratu du Varsoviatik gertuago egoteak familiaren bisitak egiteko modua ere emango duela. Orain arte Espainiako enbaxadorearen bi bisita izan ditu soilik. Oihana Goiriena kazetariaren emazteak eta euren seme-alabek telefonoz ere ezin izan dute hitz egin harekin 53 egun hauetan. Maiatzaren 29an epaileek behin-behineko espetxealdia luzatzen duten edo aske uzten duten ebatziko dute.

Ukrainako Gerraren berri ematen ari zela atxilotu zuten Gonzalez. Errusiaren aldeko espioitza lanak egitea leporatzen diote Polonian, eta hamar urteko espetxe zigorra ezar diezaiokete horregatik. Auzia Rzeszow hiriko epaitegietan zegoen, baina, espetxez aldatu ondoren, litekeena da instrukzioa ere beste hiri batera eramatea. Gonzalezen hurkoek, ezinegonak bultzaturik, sinadura bilketa bat jarri dute martxan Change.org plataforman, Gonzalezen eskubideak errespeta daitezen galdegiteko. 4.600 sinadura bildu dituzte lehen egunetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Barakaldon eraso matxisten aurka egindako elkarretaratze bat, aurtengo martxoan. ©MARISOL RAMIREZ / FOKU

Gizon bat espetxeratu dute, neska lagun ohia hiltzen saiatzea egotzita

Jon O. Urain Maddi Ane Txoperena Iribarren

Labanaz eraso dio andreari, eta emakumea larri dago, Gurutzetako ospitalean. Basauriko kartzelan sartu dute gizona. Mugimendu feministak elkarretaratzera deitu du gaur arratsalderako Barakaldon
Sejo Carrascosa, atzo, saria jasotzen. ©EHGHAM

Gehitu elkarteak «benetako» berdintasun lege bat eskatu du

Berria

Gorroto delituak Euskal Herrian %46 ugaritu direla salatu du, eta neurriak hartzeko dei egin die erakundeei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.