Albistea entzun

HAUTESKUNDEAK

EH Bilduk Rocio Vitero aurkeztuko du Gasteizko alkatetzarako

Indar subiranistak atzo jakinarazi zuen Eva Lopez de Arroiabe izango dela Arabako ahaldun nagusi izateko proposatuko duen hautagaia.

Unai Fernandez de Betoño eta Rocio Vitero.
Unai Fernandez de Betoño eta Rocio Vitero. Tamaina handiagoan ikusi

Jon O. Urain -

2022ko maiatzak 23 13:26

Rocio Vitero izango da EH Bilduren alkategaia datorren urteko udal eta foru hauteskundeetan. Gasteizko EH Bilduko Mahai Politikoak hura proposatu du alkategai izateko, eta harena izan da hautagaitzak erabakitzeko prozesuan aurkeztu den bakarra. Vitero (Gasteiz, 1980) EH Bilduren udal taldeko zinegotzia da 2019tik, eta gizarte langilea da ogibidez, gizarte politiken ikuskaritzan aditua.

Gasteizko Mahai Politikoaren hitzetan, urteotan «Gasteizekin eta EH Bilduren proiektu politikoarekin duen konpromisoa» erakutsi du Viterok, eta haren hautagaitzak, «sinesgarritasun eta gaitasun frogatuak izateaz gain, argi erakusten du EH Bilduk nolako anbizioarekin eta segurtasunarekin egiten dien aurre 2023ko udal hauteskundeei». Viterorekin batera, EH Bilduk proposatu du Unai Fernandez de Betoño izatea alkateorde. Ostegunetik larunbatera bitartean egingo da hautagaitza babesteko edo baztertzeko bozketa.

Atzo, berriz, Arabako Mahai Politikoak Eva Lopez de Arroiabe (Gasteiz, 1973) aurkeztu zuen Arabako ahaldun nagusi izateko. Lopez de Arroiabe zuzendaritzako idazkaritzako tituluduna da, eta 2007tik 2011ra UAGA eta EHNEko zuzendaritzako kidea izan zen. EHNEren berdintasun saila zuzendu zuen. 2014 eta 2016 artean, Gure Soroaren, Arabako Emakume Nekazarien Elkartearen lehendakariordea izan zen. 2013tik 2017ra, Larreako Batzar Administratiboko lehendakaria izan zen, eta 2015etik aurrera batzarkide izan da Arabako Batzar Nagusietan. 2016tik 2020ra, Eusko Legebiltzarreko legebiltzarkidea ere izan da.

Arabako Mahai Politikoaren ustez, Lopez de Arroiabek «inork baino hobeto ordezka dezake, egun, EH Bilduren egitasmo politikoa Araban. Bere ibilbide profesional eta militantean zehar, eta azken urteetan Kike Fernandez de Pinedorekin batera eskuz esku egindako lanean, lurraldearen ezagutza sakona pilatu du, Errioxatik Aiaraldera eta Añanatik Lautadara». Bozketa maiatzaren 27an, 28an eta 29an izango da.

Arabako eta Gasteizko hautagaien aurretik, EH Bilduk Nafarroako lehendakaritzarako eta Iruñeko alkatetzarako prozesuak gauzatu zituen. Horietarako, Laura Aznal eta Joseba Asiron hautatu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaizkibel mendia, gaur gauean. ©ANDONI CANELLADA / FOKU

«Herrien borondate demokratikoa» errespetatzeko eskatu dute Pirinioetan

Jon O. Urain - Irati Urdalleta Lete

Milaka herritarrek parte hartu dute Euskal Herriaren eta Kataluniaren burujabetzaren aldeko mobilizazioan. Gure Esku-k eta Kataluniako eragileek elkarlanean segitzeko asmoa azaldu dute

Pirinioetako bidea elkarrekin argitzen

Pirinioek batutako aldarria

Lara Madinabeitia - Olatz Artola Apeztegia

Suredak eta Gomezek «sinbologiaz betetako» mobilizaziotzat dute burujabetzaren alde uztailaren 2an egingo dutena. Elkarlana nabarmendu dute: «Parean duguna berdina da».

Koalizioaren aurkezpena. ©Endika Portillo / Foku

Zurekin Nafarroa ezkerreko koalizioa aurkeztu dute

Yasmine Khris

Ahal Dugu, Ezkerra, Batzarre eta independenteen talde bat batu dira, «ezker feminista, berde eta transformatzailearen» indar berria izateko.

ZUZENEAN: Pirinioetako Bidea

Euskal Herria eta Kataluniaren arteko «ekimen bateratu gehiago» iragarri dituzte

Jon O. Urain

Pirinioetako hirurehun gailur baino gehiago argiztatuko dituzte gaur, Euskal Herriaren eta Kataluniaren burujabetzaren alde.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.