Albistea entzun

Hezkuntza

Sindikatuek eta Jaurlaritzak adostu dute egiturazkoak ez diren hezkuntzako lanpostuak halakotzat jotzea

Eusko Jaurlaritzak akordioa sinatu du Steilas, LAB, CCOO eta UGT sindikatuekin, «euskal hezkuntza sare publikoaren antolakuntza modernizatzeko eta ardatz estrategikoak indartzeko». Ingelesezko eta gorputz hezkuntzako irakasle lanpostuak gehituko dituzte, baliabideak ugarituko, eta ratioak jaitsiko.

Ikasgela bat, 2017an, Gasteizen.
Ikasgela bat, 2017an, Gasteizen. Juanan Ruiz / FOKU Tamaina handiagoan ikusi

Maddi Ane Txoperena Iribarren -

2022ko maiatzak 26

Eusko Jaurlaritzako Hezkuntza Sailak akordioa egin du gaur goizean irakasle funtzionarioen negoziazio mahaian dauden sindikatuetako ordezkariekin: hots, Steilas, LAB, CCOO eta UGTrekin. Besteak beste adostu dute egiturazkoak ez diren lanpostuak halakotzat joko dituztela. Horrez gain, beste hainbat neurri biltzen ditu akordioak: hezkuntzako zenbait etapatan ratioak jaistea, ingelesa 3 urtetik aurrera irakasten hastea, ingeleseko eta gorputz hezkuntzako irakasle lanpostuak gehitzea, hezkuntza premia bereziei loturiko baliabideak ugaritzea eta zuzendaritza eginkizunetara bideratutako baliabide gehiago jartzea. Proiektuak garatzeko baliabideak ere handituko dituzte: hala nola berrikuntza, hizkuntza eta pedagogia proiektuetarako. Bigarren Hezkuntzan hogei ikasleko kopurua gainditzen duten taldeei tutoretza bikoitza jarriko diete, eta irakaskuntza lanaren berezko eginkizunekin zerikusirik ez duten administrazio zereginetatik libratzeko profil profesionalak sortuko dituzte: administratiboak eta digitalizazioaren kudeaketakoak.

Jaurlaritzako Hezkuntza Sailak adierazi duenez, «euskal hezkuntza sare publikoaren antolakuntza modernizatzeko eta ardatz estrategikoak indartzeko» izanen da lorturiko akordioa: «Ikastetxeen kudeaketari, funtsezko esparruak indartzeari eta plazak finkatzeari buruzko alderdiak jasotzen ditu».

Ikasgeletako gehienezko ratioei buruzko aldaketa atzo Eusko Jaurlaritzaren Unibertsitatez kanpoko ikastetxeen sarea antolatzeko eta planifikatzeko dekretuaren zirriborroan aurreratutakoa da, gutxi-asko. Ikastetxe publikoetan, LHn gehienez 25 ume egon daitezke ikasgelako, baina, aurrerantzean, ikasgela bakoitzean ezingo dituzte 23 ume baino gehiago eduki. Batxilergoan, berriz, orain arte baimenduta zegoen ikastetxe publikoetan 30 ikasle sartzea gelako, baina 27an jarri asmo dute muga orain. DBHko ratioak mantendu egingo dituzte: 25 ikaslekoak izango dira. Baina, atzo iragarritakoaren kontrara, txikitu egingo dituzte HHko bigarren ziklokoak: 23tik hogeira. Ratio jaitsierak «arian-arian» aplikatuko dituzte: batzuk 2023-2024ko ikasturtean, eta bertzeak 2024-2025ekoan.

Eusko Jaurlaritzako Hezkuntza sailburu Jokin Bildarratzek agerraldia egin du akordioa publiko egin berritan. Gaurkoa hezkuntzarentzat «egun ona» dela nabarmendu du, hilabete askotako lanak fruitua eman duelakoan: «Ordezkaritza sindikalaren %80rekin baino gehiagorekin ados jarri gara, eta hori ezinbestekoa eta oso inportantea da hezkuntza mundurako». Bildarratzen irudiko, hezkuntzarako mesedegarria izango da ituna: «Hezkuntzak lasaitasuna behar du, eta akordio honek lasaitasuna emango dio».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ezkabako presoei egindako omenaldi bat, 2017an. ©JAGOBA MANTEROLA / FOKU

Erreparazioan «gehiago» sakontzea galdegin dute elkarte memorialistek

Oihane Puertas Ramirez

Espainiako Memoria Demokratikoaren Lege proiektuak «kezkak» eta «zalantzak» sortu dizkie talde memorialistei. Halere, aitortu dute zuzenketek «hobekuntza garrantzitsu batzuk» jaso dituztela

 ©MONIKA DEL VALLE / FOKU

«Sarri nerabeek geolokalizazioa eskatzen diete bikotekideei»

Javi West Larrañaga

Bikotekideen arteko ziberindarkeria landu du EHUk 13-15 urteko nerabeekin. Oraindik behin betiko emaitzak izan ez arren, ikusi dute gazteek ez dituztela ondo ezagutzen sarearen arriskuak.
Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...