Albistea entzun

Hezkuntza

Euskal Eskola Publikoaren Jaia ospatu dute Bastidan

Bi urtez atzeratu ostean, jaia eta aldarrikapena uztartu dituzte Bastidan elkartu diren milaka lagunek.

Berria -

2022ko ekainak 5 09:31

Hirugarren saiakeran egin dute azkenean Euskal Eskola Publikoaren Jaia, azken bi urteetan ezin izan baitute ospatu, osasun larrialdia dela eta. Arabako Errioxan egin da lehen aldiz jaialdia, Bastidan, eta milaka lagun elkartu dira han, eguraldia lagun.

Jaialdia atzo hasi zen. Arratsaldean umeentzako tailerrak egin zituzten, baita herriaz eta inguruneaz gehiago jakiteko bisita gidatuak ere.

Gaur, berriz, bost gune egon dira, herrian sakabanatuta, eta denetariko ekitaldiak izan dira haietan.

Festa egiteaz gain, aldarrikapenerako ere baliatu dute eguna. Izan ere, EHIGE Euskal Herriko Ikasleen Gurasoen Elkarteak azpimarratu nahi izan du ikasleei kalitatezko hezkuntza eskaintzeko beharrezkoa dela «baliabide ugari izatea». Azpiegitura egokiak izatea eta lantalde egonkor eta konprometitua edukitzea ezinbestekotzat jo ditu, eta nabarmendu du hezkuntza sare publiko indartsu bat euskara indartzeko tresna oso garrantzitsua dela.

Lan eredugarria

Irekiera ekitaldian hitz egin dute Jokin Bildarratz Eusko Jaurlaritzako Hezkuntza sailburuak, Arkaitz Aburto EHIGEko presidenteak eta Ramiro Gonzalez Arabako ahaldun nagusiak. Bildarratzek Bastidako ikastetxe publikoaren «lan eredugarria» nabarmendu du. Azpimarratu du «etorkizuna eraikitzeko ezinbestekoa» izango dela «ezberdinen arteko elkarlana».

Aburtok, berriz, eskola publiko guztien lana goraipatu du, hezkuntza kalitatea «maila gorenean» jartzen dutelako. Dena den, gobernantza eredu berri bat behar dela defendatu du, «deszentralizatua eta parte hartzailea, kohesioa bilatzen duena».

Azkenik, Gonzalezek euskal eskola publikoa Arabako Errioxan euskara errotzeko egiten ari den lana aipatu du: «Hamar gaztetik zazpik euskara ulertzen dute, eta gero eta gehiago entzuten da kalean», nabarmendu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zaldibarko zabortegia, artxiboko irudi batean. ©EFE

Zaldibarko amiltzearen hirugarren urteurrena hizpide 'Kinka' podcastean

Julen Otaegi Leonet

'Zaldibar: hiru urte, hainbat zauri eta itzal ugari' atala estreinatu berri du BERRIAren 'Kinka' podcastak. Atzo bete ziren hiru urte ezbeharra jazo zenetik; orain artekoak eta geratzen direnak bildu ditu bertan.

 ©ANDONI CANELLADA / FOKU

«Ahalduntze tailerretan hainbat tresna lortzen dira»

Isabel Jaurena

Ahalduntze tailerrek emakumeengan eragina dutela ondorioztatu du ikerketa batek. Aldaketa nabarmenenak osasun arloan, bikote harremanetan eta norbere autoestimuan gertatzen dira.
Andrea Fernandez PSOEko Berdintasun idazkaria eta Patxi Lopez bozeramailea, atzo, Kongresuan. ©DANIEL GONZALEZ / EFE

Sexu erasoen zigorrak igo nahi ditu PSOEk bortxa edo larderia dagoen kasuetan

Maite Asensio Lozano

Sozialistek beren kabuz aurkeztu dute 'soilik baietz da baietz' legea aldatzeko proposamena Kongresuan. Zigor tarteak moldatuko dituzte, abusu delitua berreskuratu gabe

Herrian Bizi plataformako kideak, atzo, Miarritzen. ©GUILLAUME FAUVEAU

Etxebizitza eskubidearen alde mobilizatuko dira apirilaren 1ean Baionan

Ekhi Erremundegi Beloki

Herrian Bizi plataformak legean, administrazioan eta zerga sisteman eragin nahi du. 2021eko azaroan, 8.000 pertsona elkartu ziren

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...