Albistea entzun

Ertzaintzak Mikel Karrerari leporatu dizkio ETAk Beasainen hil zituen bi ertzainen hilketak

Baimen judizialarekin, euskal presoei lagin genetikoak hartu dizkietela jakinarazi du Eusko Jaurlaritzako Segurtasun Sailak, eta horri esker lotu dutela Karrera atentatuarekin. Ikerketaren emaitza Espainiako Auzitegi Nazionalaren eskuetan utzi du Ertzaintzak.

Lannemezaneko espetxe aurrean 2016an euskal presoen sostenguz egin zen elkarretaratzea. /
Lannemezaneko espetxe aurrean 2016an euskal presoen sostenguz egin zen elkarretaratzea. / Bob Edme Tamaina handiagoan ikusi

Berria -

2022ko ekainak 19 10:26

Eusko Jaurlaritzako Segurtasun Sailak jakinarazi duenez, Ertzaintzak Mikel Karrera euskal presoari leporatu dio ETAk 2001ean Beasainen (Gipuzkoa) hil zituen bi ertzainen hilketak: Francisco Javier Mijangos eta Ana Isabel Arostegirenak. Jaurlaritzak azaldu du duela 21 urte bildutako frogak berriro ikertu dituztela, eta ondo gorde izanari esker ondorioztatu dutela Karrerak atentatu horretan parte hartu zuela. Ikerketak irekita jarraitzen du, pertsona gehiagok ere parte hartu zutelakoan, baina lehen ondorio hori Espainiako Auzitegi Nazionalaren esku utzi du Ertzaintzak, Segurtasun Sailaren arabera.

Argitu gabeko ETAren atentatu guztiak tarteka berriro ikertzen dituztela azaldu du Seguratasun Sailak, egileak epaitu ditzaten. Mijangos eta Arostegi 2001eko azaroaren 25ean hil zituzten tiroz, trafikoa bideratzen ari zirela. Segurtasun Sailak ohar batean gaineratu du atentatuaren ostean Karrerak atentatua egiteko erabili zuen autoa aurkitu zutela, Beasainen bertan, hura eztandarazteko lehergailua baliogabetu ostean. Horri esker, Ertzaintzak auto horretan hainbat ebidentzia genetiko atzeman zituen, oharraren arabera.

Halaber, Segurtasun Sailak jakinarazi du atentatua egin zen garaian «ETAn modu aktiboan zeuden» euskal presoei kartzelan lagin genetikoak hartu dizkietela baimen judizialarekin, eta «genetika forentsean izan diren aurrerapenei esker» Karrerari hartutako laginak positibo eman zuela ekainaren 9an. Zehazki, autoan aurkitutako goxoki baten azalean zegoen laginarekin alderatu dute Karrerari hartutakoa. Horrez gain, Seguratasun Sailak dio atentatua egin zen lekuan aurkitu zituzten bala zorroak ETAri Frantzian polizia operazio batean atzemandakoko arma bati dagozkiola.

Mikel Karrera Lannemezango kartzelan dago (Okzitania). Karrera 2010ean atxilotu zuten, Baionan, eta bizi osorako espetxe zigorra ezarri diote birritan; 2013an lehen aldiz, eta 2015ean ondoren. Azken epaiketa horretan, Jean-Serge Nerin polizia frantsesa hiltzea leporatu zioten. 2017an, Nerinen hilketaren epaiketan, Izaskun Lesaka euskal presoak idatzi bat irakurri zuen, poliziaren hilketan eragindako «min politiko eta humanoa» aipatuz. Espainiako Auzitegi Nazionala aztertzen ari zen apirilean Karrera Espainiaratzeko eskaera, ETAk 2004tik egindako atentatuengatik «gizateriaren aurkako krimena» leporatuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.
Dozenaka jende agertu zen atzo Baionako auzitegi aitzinean, auzipetuei sostengua erakustera. ©GUILLAUME FAUVEAU

Martxoaren 9an emango dute 11 'bakegileren' inguruko deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan autobidea blokeatzea egotzita epaitu dituzte. Ekintza justifikatu dute guziek

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...