Albistea entzun

Athletic

Ernesto Valverde da Barkalak eta Uriartek hautatutako entrenatzailea

Valverdek hirugarren aroa izango luke Athleticen entrenatzaile gisa. Klubaren historian neurketa gehien zuzendu duen prestatzailea da: 307. Bi urte eta erdi daramatza talderik entrenatu gabe, Bartzelona utzi zuenetik.

Ernesto Valverde San Mamesen, 2020an egindako ekitaldi batean.
Ernesto Valverde San Mamesen, 2020an egindako ekitaldi batean. Luis Tejido / EFE Tamaina handiagoan ikusi

Paulo Ostolaza -

2022ko ekainak 22 10:32

Argitu da misterioa: Ernesto Valverde da (Viandar de la Vera, Espainia, 1964) Rikardo Barkalaren eta Jon Uriarteren hautagaitzek aukeratutako entrenatzailea. Ez dute edozein hautatu; Athleticen historian neurketa gehien zuzendu duen prestatzailea da Valverde, eta, bi hautagai horietako batek irabaziz gero, hirugarren aroa luke talde zuri-gorrian.

Ondorioz, seguru-seguru, kluba ezagutzen duen entrenatzaile bat izango da San Mameseko aulkian datorren denboraldian: Barkalak edo Uriartek irabaziz gero, Valverde, eta Iñaki Aretxabaletak irabaziz gero, Marcelo Bielsa. Ostiralean argituko da, beraz, entrenatzailea nor izango den ere.

Barkalak, atzo argitaratutako elkarrizketa batean, aitortu zuen litekeena zela bere entrenatzailea «hautagai batek baino gehiagok adostutakoa» izatea: «Ez zen lehen aldia izango», esan zuen. Uriarteri, berriz, bikain datorkio Valverderen albistea orain ematea, atzo eta gaur artean Carlos Aviñaren inguruan sortutako polemika izan baita Athleticen hauteskundeetako protagonista.

Dena den, batek baino gehiagok harridura erakutsi dute Barkalak eta Uriartek entrenatzaile bera aukeratu dutelako. Izan ere, ez dute antz handirik haien proiektuek. Hautagai klasikoa da Barkala, eta berritzailea Uriarte. Bien proiektuetan sartu da, ordea, Valverde.

Jakina da, gainera, Valverde ez dela Barkalaren lehen aukera izan. Sonatuak izan ziren Mauricio Pochettino PSGko entrenatzailearekin izan zuen harremana.

Hirugarren aroa

Ernesto Valverdek 306 neurketa zuzendu ditu Athleticen. Lehen aldiz 2003. urtean egin zen lehen taldearen kargu, aurretik klubaren harrobiko talde batzuetan jardun ostean. 2005. urtean utzi zuen Athletic, eta 2013an itzuli zen, 2017ra arte. Haren gidaritzapean irabazi zuten zuri-gorriek 2015eko Espainiako Superkopa, eta taldea Txapeldunen Ligan sartu zuen, Napoli kanporatuta. Ligan, Athletic zuzendu zuen sei denboraldietan, taldea bost aldiz sailkatu zen Europan jokatzea ahalbidetzen duten postuetan.

Tartean entrenatu ditu Espanyol, Olympiacos (bi arotan), Vila-real, Valentzia eta, azkenik, Bartzelona. Han Espainiako bi liga, kopa bat eta superkopa bat irabazi zituen. Ordutik ez du talderik entrenatu. Jokalari gisa Alavesen, Sestaon, Espanyolen, Bartzelonan, Athleticen eta Mallorcan jokatu zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal mendigoizale bat Anetoko tontorrera bidean. ©Joseba Gonzalez

Anetoko glaziarraren egoera «arriskutsua» dela ohartarazi dute

Uxue Rey Gorraiz

Ekainean izandako tenperatura altuen eraginez, hormagunearen gainazala urtu egin da, eta agerian gelditutako izotzak eta pitzadurek arriskua dakarte mendizaleentzat. Tentuz ibiltzeko eskatu dute.

 ©BERRIA

«Golden zirkuituan hirugarren amaitzea amesten dut»

Unai Ugartemendia

Bi urte bakarrik daramatza mendi lasterketak korritzen Alonsok, baina onenen mailan lehiatzen ari da. Sinetsi ezinda dago asteburuan Mont Blanceko maratoia irabazi ostean.
 ©BERRIA

Aldaketari zentzua

Julen Etxeberria

Gaur hasiko da Italiako Giroa. Euskal ziklista bakarra ariko da: Eukene Larrarte tolosarra. Lehen aldia du: «Hau nahi nuen Bizkaia-Durangora etorri nintzenean, eta lortu dut».

Maialen Garcia partida batean, Espainiako selekzioarekin. ©RFEH

Onenen artean onenak

Iñigo Lasa

Bihar hasiko da belar hockeyko munduko txapelketa. Terrassan eta Amsterdamen jokatuko da. Maialen Garcia donostiarrak podiumera igo nahi du bigarren aldiz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...