Albistea entzun

Hizkuntza eskubideak jomugan

Frantziaren kontsuletxeetan sartu dira, euskarazko azterketak itzul ditzatela eskatzeko

Bilboko eta Iruñeko egoitzetan egin du protesta Ehun mugimenduak: baxoan ikasleek euskaraz erantzundako azterketak itzultzeko exijitu diete hainbat irakaslek.

Ehun mugimenduko kideak, Frantziak Bilbon duen kontsuletxean.
Ehun mugimenduko kideak, Frantziak Bilbon duen kontsuletxean. Ehun. Tamaina handiagoan ikusi

Hodei Iruretagoiena -

2022ko uztailak 5

Frantziak Bilbon eta Iruñean dituen kontsuletxeetan sartu dira hainbat irakasle gaur goizean, Frantziako Estatuak «bahitutako» azterketak itzul ditzatela eskatzeko. Izan ere, brebeta euskaraz egin duten ikasleei hizkuntza eskubideak urratu dizkietela salatu du Ehun mugimenduak, eta azaldu du euskaraz erantzundako azterketak «Euskal Herritik kanpora» eraman dituela Frantziako Estatuak, «irakasle euskaldunen esku eror ez daitezen eta, ondorioz, zuzendu ez ditzaten».

Eskuan «euskal errepublika orain» zioten kartelak zituztela sartu dira kontsulatuetara. Pap Ndiaye Frantziako Hezkuntza ministroari zuzendutako gutun bana utzi dute Bilbon eta Iruñean, «lapurtutakoa itzultzeko» eskatzeko. Dena den, Ehunek adierazi du hizkuntza eskubideen aldeko borroka ezin dela ulertu «euskal errepublikaren aldarritik bereizita» . «Euskal errepublikarik gabe, etengabean, behin eta berriz tupust egingo dugu erdaren inposizioaren paretarekin».

Orain dela hilabete Irun eta Hendaia artean egindako «lehen burujabetza ekintzaren» segida izan da gaurkoa. Orduko hartan, zenbait migratzaileri muga zeharkatzen lagundu zieten hainbat lagunek, mozorrotuta.

Seaskak, bestalde, euskaraz erantzundako brebetako azterketak zuzentzeko zentroa antolatu du gaur Baionan, Euskal Elkargoaren babesarekin.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela
Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte
Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.