Albistea entzun

Metro Bilbao

Hitzarmen kolektiboa adostu dute Bilboko metroko zuzendaritzak eta CCOO, Semaf, LAB, Egie eta ESK sindikatuek

Hilabete baino gehiago iraun dute greba eta lanuzteek, eta, horien ostean, akordio bat lortu dute zuzendaritzak eta gehiengo sindikalak. ELA, UGT eta CIM sindikatuek akordioa salatu dute, eta adierazi «langileen pobretzea» bermatuko duela.

Bilboko Metroko langileen protesta, uztailean.
Bilboko Metroko langileen protesta, uztailean. Ecuador Exea Tamaina handiagoan ikusi

Iñaut Matauko Rada -

2022ko abuztuak 2 17:46

Bilboko metroko langileen hitzarmen kolektibo berria adostu dute enpresaren zuzendaritzak eta CCOO, Semaf, LAB, Egie eta ESK sindikatuek. 21 ordezkari sindikaletatik 11k bozkatu du alde, ELA, UGT eta CIM sindikatuek akordioaren aurka egin baitute. Semaf sindikatuak aldatu du iritzia, eta horrek ahalbidetu du akordioa sinatzea. Hori dela eta, aurrerantzean langileek ezingo dute greba eta lanuzteetara deitu.

ELAk gogor salatu du sindikatuek eta enpresaren zuzendaritzak sinatutako hitzarmena. Haien ustetan, hitzarmen berriak langileak «pobretzea» ekarriko du. Izan ere, 2025eko hasierara arte langileen soldata administrazio publikoak igotzen duen mailan igoko dute, eta ez KPIaren arabera; urte arteko KPIa %10,8an dago egun. Bestalde, enplegua «prekarizatu» egingo dela dio euskal sindikatuak, eta nabarmendu du behin-behineko langileetan «eskala bikoitzak» sortuko direla. Izan ere, haien esanetan, behin-behineko langileak etengabeko ebaluazioan egongo dira behin betiko izan arte, eta jardunaldi osoa «bermatua izan gabe» gainera.

Mantentze lanetako langileek aparteko orduak egiteko duten derrigortasuna handitu egingo dela ere ohartarazi du ELAk. Bestalde, diote ez dela bermatuko geltoki guztietan gutxienez langile bat egotea.

Laburbilduz, hitzarmen berriak langileen arteko zatiketa bultzatzen duela esan du ELAk, eta gehitu du baztertu egingo direla enpresako kolektibo batzuen baldintzak. Akordioaren helburua sinatzaileen interes partikularrak bultzatzea dela esanez amaitu dute oharra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Bildarratz Donostiako ikastetxe batean, ikasturte hasieran ©irekia

Eskola publikoetako zuzendariek baimena izango dute urtebetean eskolarik ez emateko

Irati Urdalleta Lete

Jaurlaritza ontzen ari den dekretu batean jaso dutenez, zortzi urte karguan egon ostean eskola publikoetako zuzendariek ez dute eskolarik eman beharrik izango urtebetean. Gainera, ikastetxean nahitaez egon beharreko ordutegia malgutuko diete, eta lehentasuna izango dute beste ikastetxe bat aukeratzeko.

COVID ziurtagiria, osalaritza negozio baten aurrean. ©Gorka Rubio / FOKU

COVID ziurtagiriaren luzatzea indargabetu du EAEko Justizia Auzitegi Nagusiak

Iñaut Matauko Rada

Herritar batek inpugnatu zuen COVID ziurtagariaren luzatzeko modua eman zuen dekretua, oinarrizko eskubideen babesaren arrazoiagatik, eta auzitegiak onartu egin du eskubideak urratzen zituela, «arin» bada ere.

Soraluzeko andrearen hilketa gaitzesteko elkarretaratzea, Elgoibarren. ©Jon Urbe, FOKU

Soraluzeko andrearen hilketa gaitzetsi dute dozenaka lagunek Elgoibarren

Julen Otaegi Leonet

Soraluzeko Udalak elkarretaratzera deitu du biharko, 19:00etarako.

Pablo Gonzalezen askatasunen aldeko manifestazio bat, martxoan, Nabarnizen (Bizkaia). ©Monika del Valle / Foku

Pablo Gonzalezen atxiloaldia ez luzatzeko eskaera atzera bota dute berriro ere

Paulo Ostolaza

Abuztuaren amaieran beste hiru hilabetez luzatu zioten zigorra kazetariari, eta hari eustea erabaki du Rzeszoweko Dei Auzitegiak. Ostegunean zazpi hilabete beteko dira atxilotu zutenetik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...