Albistea entzun

Lan gatazkak

Arabako metalgintzan hiru greba egunera deitu dute sindikatuek

Hilaren 21rako, 22rako eta 23rako deitu dituzte lanuzteak. Datorren ostegunean bilduko dira SEA patronalarekin.

Ekaineko protesta jendetsua, Gasteizen.
Ekaineko protesta jendetsua, Gasteizen. Jaizki Fontaneda/FOKU Tamaina handiagoan ikusi

Aitor Biain -

2022ko irailak 2 12:31

Greba deialdiarekin itzuli dira lanera Arabako metalgintzako sektorean. Maiatzean eta ekainean egindako protesta jendetsuen ondoren, kalera ateratzeko deia egin dute berriz sindikatuek hilaren amaierarako. Izan ere, sektoreko hitzarmena berritzeko negoziazioek blokeo egoera batean jarraitzen dute, eta, adierazi dutenez, SEA patronalak ez du mugitzeko asmorik. Horiek horrela, hiru egunez ekoizpena eteteko deia egin diete langileei ELA, LAB, CCOO, USO, CGT eta ESK sindikatuek: hilaren 21ean, 22an eta 23an egingo dituzte lanuzteak.

Uztailean bildu ziren azkenekoz patronala eta sindikatuak, SEAk ekainaren 30rako jarria zuten hitzordua bertan behera utzi ondotik. Sindikatuek hitzetan, bilera hartan patronalak ez zuen negoziatzeko borondaterik agertu; are, haien aldarrikapenak «gutxietsi» eta elkarrizketak «blokeatu» izana egotzi zioten SEAri. Hala eta guztiz ere, sindikatuek hitz egiten jarraitzeko nahia adierazi zuten, negoziazioak egoera kritiko batean sartzeko arriskuan zeudelako.

Hilaren 8rako, datorren ostegunerako adostu dute bilera azkenean. Sindikatuek salatu dute, ordea, patronalak trabak baino ez dizkiela jarri, eta «borrokatu» behar izan dutela harekin berriz biltzeko. «SEAren atzetik ibili gara bilera bat adostu ahal izateko. Aitzakiak jartzen zizkigun behin eta berriz, ez zuela ikusten esanez edota data atzeratuz edota kenduz». Hain zuzen, gogoratu dute ekaineko grebaren aurretik birritan elkartzeko deia egin zietela, eta orduan ere uko egin ziola SEAk «agenda arrazoiak argudiatuz».

Hori dela eta, sindikatuek patronalari eskatu diote gogoeta egiteko, eta «akordioa erraztuko duen» jarrera batekin azaltzeko hilaren 8ko bilerara. «Espero dugu sektorean eta maila globalean bizitzen ari garen une historikoaren mailan egotea, eta erantzukizunez jokatzea. Haien esku dago sektorea geldiaraziko duten beste hiru greba egun saihestea».

Lehentasunik ez

Sindikatuek gogorarazi dute eutsi egiten dietela beren eskaera nagusiei, baina, azkeneko bileran, lehentasun gisa jarri zuten lanaldia laburtzea eta soldatak igotzea. «Bi puntu horiek nabarmendu genituen SEAk ez duelako hitz egin nahi aldarrikapen horiez, baina ez diogu garrantzirik kendu nahi beste guztiari», adierazi dute. Izan ere, haien hitzetan, erosteko ahalmenari eusteak are garrantzi handiagoa dauka prezioak oro har hainbeste igotzen ari diren honetan. Behin-behinekotasuna eta malgutasuna mugatzea, laneko osasuna eta berdintasuna bermatzea, eta aldi baterako ezintasunagatiko osagarriak hobetzea dira sindikatuen gainerako aldarrikapenak.

Horiek horrela, grebarekin bat egin eta kalera ateratzeko deia egin diete sindikatuek sektoreko enpresei eta langileei, «tailer txikietatik hasi eta enpresa handietaraino». Izan ere, uste dute soilik modu horretan lortuko dutela sektoreak «behar duen» hitzarmena egitea. «Antolakuntza eta borroka dira langileen tresnarik boteretsuenak, eta gure eskubideak eta lan baldintzak defendatzeko erabiltzea dagokigu», adierazi dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Koordinazio batzordearen bileraren hasiera, atzo, Iruñean, Nafarroako Jauregian. ©IÑIGO URIZ / FOKU

Madrilek eta Iruñeak 431 milioiko ekarpen garbia itundu dute 2020rako

Joxerra Senar

Metodologia zehaztuta, Nafarroak lehen bi urteetan gehiago pagatu zuenez, estatuak 138 milioi euro itzuliko dizkio. Aurtengo ekarpenari dagokionez, doikuntzak eginda «aldekoa» izatea espero dute

Liberiako petroliontzi bat Gdanskeko portuan, artxiboko irudi batean. ©ADAM WARZAWA / EFE
Tubacexeko langileen protesta, 2021eko otsailaren 23an, Laudioko lantegiaren aurrean. ©LAB

Espetxe zigorrak eskatu dituzte Tubacexeko hiru grebalariren aurka

Berria

Iazko otsailaren 23an atxilotu zituen Ertzaintzak, enpresaren atarian. Isunak ere eskatzen dituzte haien aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...