Albistea entzun

Katalunia

Koalizio gobernuaren alde egin du Aragonesek Kataluniako Parlamentuan

Aragonesek «azkartasun handiena» eskatu dio JxCri politika orokorreko eztabaidan. Datorren astean erabakiko du JxCko militantziak gobernuan jarraitu edo ez.

Pere Aragones Generalitateko presidentea, Kataluniako Parlamentuan, lehen aldiz, Jordi Puignero presidenteordea aldamenean izan gabe.
Pere Aragones Generalitateko presidentea, Kataluniako Parlamentuan, lehen aldiz, Jordi Puignero presidenteordea aldamenean izan gabe. MARTA PEREZ /EFE Tamaina handiagoan ikusi

Mikel Elkoroberezibar Beloki -

2022ko irailak 30

Politika orokorreko eztabaidaren azken saioa egiten ari dira Kataluniako Parlamentuan, ERC Esquerra Republicana eta JxC Junts Per Catalunya alderdien arteko tirabira bete-betean. Pere Aragones Kataluniako Gobernuko presidenteak ERCk eta JxCk osatzen duten koalizio gobernuaren jarraipenaren alde egin du bere diskurtsoan. «Nire lehentasuna da», nabarmendu du. Albert Batet JxCren parlamentuko eledunak esan du egoera «konpontzeko garaia» dela. Gainera, JxCri «azkartasun handiena» eskatu dio. Izan ere, JxCko zuzendaritzak atzo erabaki zuen oraingoz ez dela Kataluniako Gobernutik aterako, baina militantziaren esku utzi du gobernuan jarraitzeko ala ez jarraitzeko erabakia. Datorren astean egingo du kontsulta: urriaren 6an eta 7an.

JxCk 72 orduko epea eman zion atzo Aragonesi egoera bideratzeko negoziazioak egiteko. «Igande gauean, ados jartzea beste lanik ez dugu. Hori bai, ez da ultimatum bat izango», zehaztu zuen Jordi Turull idazkari nagusiak. Gaurko eztabaidan, Batetek iragarri du JxCk proposamen bat helaraziko diola gaur bertan Aragonesi, «irizpideekin eta bermeekin», gobernu akordioa bete dadin.

Egoera argitzeko aukera bat litzateke hauteskundeak aurreratzea, baina Generalitateko Presidentetza kontseilari Marta Vilagrak atzo azpimarratu zuen ez dituztela aurreratuko, eta gobernuak aurrera jarraituko duela JxCk erabakitzen duena kontuan izan gabe.

Parlamentuan, Puignero gabe

Politika orokorreko bigarren –eta azken– saioaren eta asteartean egin zuten lehenaren arteko aldea nabarmena da. Asteartean, Aragonesen ondoan Jordi Puignero Generalitateko presidenteordea zegoen eserita, eta gaur, berriz, ez. Izan ere, asteazken gauean, Generalitateko presidenteak Puignero kargugabetu zuen, harenganako «konfiantza politikoa galdu» zuela argudiatuta.

Izan ere, astearteko eztabaidan Albert Batet JxCren Kataluniako Parlamentuko eledunak Aragonesi ohartarazi zion ERCk eta JxCk sinatutako «gobernu akordioa betetzeko bermerik» aurkeztuko ez balu konfiantza mozio batera aurkeztu beharko lukeela bere burua parlamentuan.

Gobernuko krisia konpontzeko, hiru eskari egin dizkio JxCk ERCri: prozesu independentista bultzatzeko zuzendaritza estrategiko bat eratzea, Espainiako Gorteetan bi alderdiek fronte bakarra osatzea, eta Kataluniako eta Espainiako gobernuen arteko elkarrizketa mahaiaren edukia amnistiara eta autodeterminaziora mugatzea. ERCk esana zuen, ordea, ez dutela «ultimatumik» onartuko.

Aurrekontuen eztabaida, «izoztuta»

Jessica Albiach En Comu Podemen parlamentuko eledunak iragarri du «izoztutzat» jo dituztela aurrekontuen negoziazioak, «gobernatzeko gai den gobernu bat izan arte». Salvador Illa PSCko lehen idazkariak, berriz, berretsi du bere ustez gobernua «azken-azkenetan» dagoela. Are, gobernua «enbarazu» egiten ari dela nabarmendu du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mafapo Positibo Faltsuen Amak elkarteko kide batzuk, artxiboko irudi batean. ©BERRIA

Kolonbiako positibo faltsuak

Cecilia Valdez

Uriberen agintaldian, militarrei emaitzak galdegiteko asmoz aurrera eraman zuten Segurtasun Demokratikoaren Doktrina. Egiteko hark premiaturik, soldaduek milaka gazte pobre exekutatu zituzten judizioz kanpo. Soachan 2007 eta 2008 artean gertaturikoa da adibideetako bat.
 ©DAVID FERNANDEZ

«Marokok ikasi du horrelako ekintzek dirua ematen diotela»

Olatz Silva Rodrigo

Ekainaren 24an Melillan gertatutakoa argitu nahian, ikerketa egin du Lighthouse Reportsek. Eta bertan hartu du parte Jose Bautista kazetariak. Pertsona bat Espainiaren kontrolpeko lurraldean hil zela egiaztatu dute.
Pedro Castillo, Poliziaren autoan, asteazkenean atxilotu berritan. ©RENATO PAJUELO/ EFE

Pedro Castillok Mexikori egindako asilo eskaera berretsi du kartzelatik

Mikel Elkoroberezibar Beloki

Peruko presidente ohia preso egongo da, oraingoz, hilaren 13ra arte. Dina Boluartek Mexikoren esku utzi du asilo eskaeraren auzia.

Europako Parlamentuak Estrasburgon (Frantzia) duen egoitza. ©EFE

Europako Parlamentuko presidenteorde bat atxilotu dute, ustelkeria egotzita

Mikel Elkoroberezibar Beloki

Bost lagun atxilotu dituzte guztira. Poliziaren arabera, Qatar Europako Parlamentuan hartzen dituzten erabaki politiko eta ekonomikoetan eragina izaten ahalegindu zen, besteak beste, atxilotuen bidez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.