Osakidetzako garbitzaileek adostu berri dute akordioa. LABek, CCOOk, ESK-k eta UGTk egin dute akordioa patronalarekin, eta gainerako langileekin homologazioa lortu dutela iragarri dute. Iragan larunbatean jakin zen aurreakordioa lortu zutela. Gaur zuten hitzordua patronalarekin akordioa adosteko, eta izenpetu berri dute ituna. Bost urteko negoziazio prozesuaren eta hilabete luzertako grebaren ostean adostu dira.
🟣‼ï¸Â Bost urtez lan hitzarmenaren inguruko negoziazioetan ibili ostean, Osakidetzako garbiketa zerbitzuko langileek aurre akordioa lortu dute. Jaurlaritzaren Bilboko egoitzan sinatu berri dute akordioa. @LABsindikatua@UGT_Comunica@CCOOeuskadi@ESKsindikatua@berriapic.twitter.com/XkpG9wN0cc
— Olatz Silva Rodrigo (@olatz_silva) July 12, 2023
Iragan larunbateko aurreakordioan iragarri zutenez, karrera profesionalaren hiru urte ordaintzea lortu dute, bai eta ordezkapenen sistema bat ezartzea, erretiro aurreraturako kontratuak egin ahal izatea eta laneko baimenen eguneraketa ere.
ELAk ez zuen sinatu aurreakordioa, eta «murrizketak» onartu izana egotzi die gainontzeko sindikatuei. Era berean, akordioa erdietsi duten sindikatuek aste honetan salatu dute Osakidetzak erantzun bat emateko astebete baino gehiago behar izan duela.
