Hamaika Gara egitasmoaren sustatzaileek solasaldi ziklo bat antolatu dute, burujabetzak eta erabakitzeko eskubideak «arduratzen» dituzten eta «aktualitateari lotuta dauden beste gai batzuekin duten intersekzionalitatea aztertu eta herri eztabaida bat elikatzeko asmoz». Lehen solasaldia Naziometroa: termometro eta iparorratz izan da. Parte Hartuz ikerketa taldeak eta Telesforo Monzon eLaborategiak eginiko barometroaren ondorioak eta emaitzak laburtu dituzte. Parte hartzaileak:     Arkaitz Fullaondo, ikerketaren batzorde zientifikoko kidea.    Xabier Barandiaran, EAJko Euzkadi Buru Batzarreko kidea.    Roberto Uriarte, Unidas Podemoseko diputatua    Floren Aoiz, Iratzar fundazioko burua.