8,3 milioi euro jaso zituen iaz BBVAko presidenteak

BILBO. Carlos Torres Vila BBVAko presidenteak 8,3 milioi euro irabazi zituen iaz, 2021ean baino %5,8 gehiago. Gainerako kontseilariek 4,30 milioi kobratu zituzten, aurreko urtean adina ia. Bankuak inoizko emaitzarik onenak izan zituen iaz: 6.420 milioi euro, 2021ean baino %38 gehiago. Ana Botin Santanderreko presidenteak, berriz, hamabi milioi jaso zituen.