Beste 32 milioi euro lortu ditu EEE Energiaren Euskal Erakundeak, autokontsumoa eta energia berriztagarri termikoko instalazioak bultzatzeko diru laguntzen poltsa loditzeko. Europako funtsetatik jaso du diru hori, eta jada ezagutarazi dute EAEko aldizkari ofizialean.
Hala, 106,7 milioi euro da orain autokontsumo instalazioak diruz laguntzeko aurrekontua —27,7 milioi gehiago—, eta 21,2 milioi euro, berriz, energia berriztagarri termikoko instalazioena laguntzekoa —4,8 milioi euro gehiago—.
EEEren datuen arabera, orain arte 10.722 eskaera jaso ditu erakundeak autokontsumo instalazioak diruz laguntzeko, eta 8.200 tramitatu egin dira jada.
