Lanartea

Maiz zail suertatzen zaie sortzaileei berak ere langileak direla ulertaraztea. Euren lanbideaz eta hari esker bizimodua ateratzeko dituzten zailtasunez aritu dira BERRIArekin Maite Gurrutxaga ilustratzailea, Pako Aristi idazlea, Gaizka Insunza musikaria, Oihana Iguaran bertsolaria eta Jurgi Ekiza musikaria.

II. Batzar Nazionala egin berria du Lanarteak, Euskararen Langile Profesionalen Elkarteak. Diziplina desberdinetan aritu arren, antzeko arazoekin topo egin ohi dute euskaraz ari diren kultur sortzaileek, eta horiei elkarrekin heltzeko nahiak batu ditu. Lana hasi besterik ez dela egin diote.