Ertzaintzak 19 urteko gizon bat atxilotu du gaur arratsaldean Arrigorriagan (Bizkaia), joan den urriaren 26an Bilbon izandako istiluetan parte hartzea egotzita. Gainera, 28 urteko gizon bat ikertzen ari da arrazoi beragatik.
Egun hartan Vito Quiles eskuin muturreko asaldatzaile espainiarrak ekitaldia egin behar zuen Deustuko Unibertsitatean, eta mobilizazioak antolatu zituzten haren aurka. Quilesek ekitaldia bertan behera utzi zuen, baina istilu larriak gertatu ziren ondoren Agirre Lehendakariaren etorbidean: autoak erre zituzten eta kalte handiak eragin zituzten inguruan. Bingen Zupiria Jaurlaritzako Segurtasun sailburuak jakinarazi zuen gutxienez hogei pertsona atxilotu zituztela egun hartan.
Atxilotuari desordena publikoaren delitua egotzi diote. Ertzainek izapideak bukatzean epailearen esku utziko dute.