* Iruñerrian izan da Korrika, eta jende oldeak bat egin du.
* Goizean Arabako lautadatik Sakanara sartuko da. Altsasun 13:39 alderako espero da. Arratsaldean, berriz, Irurtzun eta Lekunberrira helduko da, eta handik Betelura.
* Iluntzean Gipuzkoan sartuko da, Lizartzatik. Gauean, berriz, Oiartzun eta Irun zeharkatuko ditu.
* Euskalgintzaren Kontseiluak aldarrikatu du hizkuntza politiketan jauzia egin beharra dagoela.
10:20, agur, Agurain
Bost minutu aurreratuta dabil Korrika. Oraintxe sartu da Agurainen, lekukoa Lautada ikastolako ikasleek daramatela.
10:12, Agurain hortzemugan
Korrika 10:25ean da sartzekoa Agurainen. Dagoeneko aguraindarrak ari dira lekukoa eramaten.
09:35, Dallo
Dallo Arabako Barrundia udalerriko herrietako bat da, eta hantxe dabil Korrika orain. Irati Urdalleta BERRIAko kazetaria bertatik bertara jarraitzen ari da, beste egun batez
🏃🏽♀️➡️5️⃣ Bosgarren eguna du gaur 24. Korrikak. Araban sartu da goizaldean. Oraintxe Dallo inguruan dabil, eta Lazkaoko ikastolako 300 bat ikaslek hartu dute lekukoa, aurten Kilometroak bertan egingo dutelako. @berria pic.twitter.com/ExTG8QnRNp
— Irati Urdalleta (@UrdalletaIrati) March 23, 2026
Korrika Txikia Australian
Australiako Victoria hiriko Euskal Etxeak argitaratu duen bideoan, atzo Melbournen eginiko Korrika Txikia ikusten da. Aborigenek hiriari Naarm esaten diotela gogoratu dute.
08:50 Mila kilometro gaur
Dulantzira iritsi da Korrika. Gaur bosgarren eguna da, eta 962. kilometroa egin du Dulantzin. Milagarren kilometrora gaur iritsiko da. 2.175 kilometro egingo ditu guztira lekukoak aurten. Ibilbide osoa BERRIAren mapa eta bilatzailean dago ikusgai.
08:41 Eguraldi ona asteazkenera arte
Ostegunaz geroztik, eguzkia izan du lagun lekukoak, eta hala izango du gaur eta bihar ere. Euskalmeten arabera, eguna lainotsu argitu bada ere, ostarteak zabalduko dira arratsaldean berriro, eta bihar oskarbi izango da berriro. Asteazkenerako, berriz, euria iragarri dute arratsalderako. Prestatu zira!
07:35 Azazetarako bidean. Egun on!
Oraintxe Azazetarako bidean dabil Korrika (Araba). Gogoko Korrikan, aldaparik ez!
