72 urteko gizon bat hil da Serantes mendian, Santurtzin (Bizkaia). Atzo goizean ibiltzera atera zen, eta arratsaldean topatu zuten haren gorpua. Sartzeko zaila zen leku batean zegoen, eta Ertzaintzaren helikoptero bat behar izan zuten erreskatatzeko.
Gizonaren emazteak eman zien abisua larrialdi zerbitzuei, senarrak ez zielako deiei erantzuten. Orduan jarri zuten martxan bilaketa, eta 19:00 aldera topatu zuten hilotza.
