Mikel Manzisidor de la Fuente: «Administrazioaren zurruntasuna eta etxebizitza publiko bat eskuratu ahal izateko traba burokratikoak kezkagarriak dira»

Otsailean hartu zuen EAEko ararteko kargua Mikel Manzisidor de la Fuentek. Orduko hartan haren euskara gaitasunaren inguruko eztabaidak gainerako gaiak ito bazituen ere, orotariko jarduna da arartekoarena, eta esku artean dituen gai ugari jorratu ditu.