Badator 2026ko Araba Euskaraz. Amurrion egingo dute, ekainaren 14an, eta Arabako ikastolen aldeko jaiak jada baditu abestia eta bideoklipa: Taupadak berpiztu!.
Ikusi gehiago
Amurrioko Aresketa ikastolako hezkuntza komunitateak ondu ditu bata eta bestea. Ikastolako ikasle ohi eta egungo langile Igon Olaguenaga eta ikastolako aita Txiki Lora arduratu dira abestia egiteaz; bideoklipaz, berriz, ikastolako ikasle ohi Eneko Martinez.
Gaur egin duten aurkezpenean azaldu dutenez, abestiaren hitzetan zera nabarmendu dute, euskara biziberritzeko beharra dagoela, eta zenbait herrialdetako doinuekin osatu dute abestia. Bideoklipari dagokionez, aitortza egin nahi izan diote ikastolaren sorreratik lanean jardun duen komunitateari.
