Iragan den otsailean, El Hadji gune autogestionatuak, Iruñeko Arrotxapea auzoko beste eragile batzuekin batera, Marcelo Zelaieta kaleko 74. zenbakiko lokal hutsa okupatu zuen. Muskerra izena jarri zioten guneari, eta «herri gimnasio» erabilera eman zioten, kirola egiteko «toki segurua» sortzea eta «auzo boterea» saretzea helburu. Alta, El Hadjik berak sare sozialetan salatu duenez, Iruñeko Udaltzaingoak Muskerra gunea husteko operazioa abiarazi du gaur bertan.
Ikusi gehiago
Udaltzaingoa gunea husten ari dela salatu dute, hain zuzen, gaur eguerdian El Hadjik eta Arriasko Gazte Langileen Asanbladak. Elkartasuna adierazteko eta Marcelo Zelaieta kalera joateko deia egin diete herritarrei, eta antolatuko dituzten mobilizazioei adi egoteko ere eskatu diete. Orain arte, doako kirol jarduerak eta ekintza kulturalak antolatzen zituzten bertan.
