MADRIL. Espainiako Auzitegi Nazionaleko epaile Manuel Garcia Castellonek erabaki du berriro zabaltzea ETAk 2002ko abuztuan Santa Polan (Herrialde Katalanak) eginiko atentatuari buruzko ikerketa. Espainiako Poliziari eta Guardia Zibilari eskatu die beren esku dituzten datuak emateko, jakiteko Jon Olarrak, Ainhoa Mujikak, Iñaki Esparzak, Mikel Albisuk, Ramon Sagarzazuk eta Marixol Iparragirrek erasoarekin loturarik izan ote zuten.
Dignidad y Justicia elkarteak jarritako kereila bat onartuta zabaldu du ikerketa epaileak. Erasoa 2002ko abuztuaren 4an egin zuen ETAk, Guardia Zibilaren kuartel baten aurka, eta bi pertsona hil ziren; gizonezko bat eta haur bat. Auzia ikertu zuten, eta bi lagun kondenatu zituzten. Baina epaileak ebatzi du auzia berriro irekitzea, aipaturiko pertsonak garai horretan ETAko zuzendaritzan zeudelakoan, horiek izan dezaketen erantzukizuna ikertzeko.
Auzitegi Nazionalak ETAren 2002ko eraso bat ikertuko du
Epaileak informazioa eskatu die Guardia Zibilari eta Espainiako Poliziari preso eta preso ohi batzuei buruz
Iruzkinak
Ez dago iruzkinik
Ordenatu
