Gaur goizean bi gizon hil dira itota. Lehena Uribarriko urtegian (Araba) hil da, Gasteizko ironmanean parte hartzen ari zela bihotzekoak jota, 08:00ak aldean. Igeriketako proban ari zela ondoezik sentitu da, eta ito egin da. 25 urte zituen, eta Erresuma Batukoa zen. Lehorretik 41 metrora erreskatatu dute, baina ezin izan dute ezer egin haren bizia salbatzeko.
Bigarrena Orion hil da (Gipuzkoa), hondartzan, 10:00ak aldean. 39 urte zituen. Hura ere ondoezik sentitu da, eta uretatik atera eta suspertzen saiatu diren arren, hil egin da. 39 urte zituen, Eusko Jaurlaritzako Segurtasun Sailak jakinarazi duenez.
