Ezker Anitza-IUk zuzendaritza berrituko du, Iñigo Martinezek jakinarazi ostean uko egingo ziola gidaritzari. Bi hautagaitzetako batek Arantza Gonzalez du buru eta besteak, Asier Muñoz. Ekainaren 22an egingo dute XI. batzarra, eta militantziak gaurtik aurrera eman dezake botoa.
Gonzalez Donostiako Udaleko zinegotzia da. Haren hautagaitzak Izan zarelako gara izena du, eta hogei emakumez eta hemeretzi gizonez osatua dago.
Muñoz Ezker Anitza-IUko osasun sarearen eleduna da. Nortasuna, la fuerza militante (Nortasuna, indar militantea) izena du haren zerrendak. Bost gizonez eta lau emakumez osatua dago.
Militanteek asteazkenera arteko epea dute botoa emateko.
