Gure Esku Dago dinamikak "hitzordu garrantzitsu bat" izango du bihar, bere bigarren urte politikorako "bide orria zehazteko" eta antolaketa erabakitzeko batzar orokorra egingo baitu. Gasteizen izango da bilkura.
Joan den ekainaren 8an erabakitzeko eskubidearen alde 150.000 laguneko giza katea egin ostean, hil bereko 21ean batzar bat egin zuen Gure Esku Dago-k, eta han hiri eta herri batzordeei galdetegi bat pasatu zien, "denen artean norabidea eta urteko eginbeharrak" finkatzeko. Erantzunak irailaren 7rako helarazteko epea eman zien, eta harrezkero talde eragilea haiek aztertzen eta etziko batzarra prestatzen aritu da.
Larunbateko batzarreko gai ordena: sarrera, galdetegietako ekarpenen sintesia, dinamikaren norabidea eta urteko ekinbidearen proposamena, eta ebazpenen bozketa.
