«La Cumbren motibazio politikoko indarkeriari buruzko artxibo, ikerketa eta dibulgazio zentro bat sortzeko bidean aurrera egitea da proposamena, 1936-2011 urteen artean zentratua». Donostiako udal gobernuak proposamen hori jarri berri du mahai gainean Aieteko jauregi ezagun horretan memoria gune bat garatzeko. Udal gobernuak asteazkenean aurkeztu zuen bere proposamena, hainbat aditurekin garatutakoa, udaleko Giza Eskubideen Batzordean. Gunean artxibo eta ikerketa lanak egin ahal izatea aurreikusten dute proposamenean, baita eremua hiriari eta herritarrei irekitzea ere.
Ikusi gehiago
Batzordean aurkeztutako dokumentua eskuratu ahal izan du Irutxuloko Hitza-k, eta, hartan jasotzen denez, «La Cumbrek lagundu egin behar du giza eskubideen urraketen berri izaten, halakoak ikertzen eta biktimak aitortzen eta erreparatzen». Horrela, 1936tik 2011rako tartean jarri du arreta jauregia memoria zentro bihurtzeko proposamenak, hau da, 36ko gerraren hasieratik ETAren indarkeria armatua amaitu arteko aldian.
(Jarraitu irakurtzen, Irutxuloko Hitza-n).
