Emakumeen Mundu Martxak deituta, elkarretaratzeak egin zituzten atzo Euskal Herriko hiri eta herritan, hilaren 16an leihotik behera erorita Durangon (Bizkaia)zendutako emakumearen heriotza salatzeko. «Emakumeen kontrako indarkeria kasua izan dela baieztatu delarik, ezinbestekoa zen salaketa», nabarmendu zuten Mundu Martxako ordezkariek. Portugaleteko bi heriotzak ere izan zituzten gogoan.
Hasiera batean andreak bere burua hil zuela zabaldu zen, baina ikertzen hasita, Ertzaintzak orain dela astebete atzeman zuen emakumearen bikotekidea. Hasieran «badaezpadako» neurri modura atxilotu zuten, baina hark epailearen aurrean deklaratu ostean, kartzelatu egin zuten.
Mundu Martxak egindako elkarretaratzeetako bat Durangon izan zen, Andre Mari plazan. Bertan gogorazi zuten emakumeen aurkako indarkeria gizartean gertatzen den giza eskubideen urratze «larrienetako eta hedatuenetako bat» dela.
Ordu berean, 20:00etan, Durangoko Udalak beste protesta bat egin zuen udaletxearen aurrean, herrian hildako emakumearen heriotza gaitzesteko.
Durangon hildako emakumea gogoan izan dute
Emakumeen Mundu Martxak eta Durangoko Udalak protestak egin dituzte, genero indarkeria salatzeko
Iruzkinak
Ez dago iruzkinik
Ordenatu