EAJ, EH Bildu eta PSE-EEren legebiltzar taldeek babesa agertu diote Axier Lopezi

GASTEIZ. Eusko Legebiltzarreko EAJren, EH Bilduren eta PSE-EEren taldeek sostengua azaldu diote Axier Lopez Argia-ko kazetariari. Espainiako Gobernuak bultzatuta Kongresuak Mozal Legea onartu zuenetik zigortu duten lehen kazetaria izan da Lopez —atxiloketa batean ertzain batzuen argazkiak jarri zituen Twitterren—; 601 euroko isuna ezarri zioten. Giza Eskubideen Batzordeko bileran izan da Lopez.