Ekainaren 11n izango da aurtengo Eskola Txikien jaia

Lizartzan ospatuko dute aurten ere Eskola Txikien festa, ekainaren 11n. Joan den urtean egin zuten lehen aldiz, leku berean. Antolatzaileek adierazi dute «ezinbestekoa» dela jaia urtero antolatzen jarraitzea, «eskola txikien garrantzia aldarrikatzeko» eta «herrietako eguneroko bizitzan duten eragina azpimarratzeko». Izan ere, eskola txikiak «herri eta auzo txikien altxorrak» direla ikusarazteko ere baliatuko dute festa. Egun osorako egitarau bat prestatu dute.