LABek grebara deituak ditu Arabako, Bizkaiko eta Gipuzkoako eskola publikoetako jangeletako langileak otsailaren 24rako, 25erako eta 26rako; orain, ELAk ere greba deialdia egin du egun berberetarako.
ELAk azaldu duenez, lan hitzarmen berria ondu nahian ari dira, eta negoziazio mahaiak hamabost bilera baino gehiago egin ditu; alta, ez dute lortu aurrerapausorik. «ELAk langileen benetako baldintzei erantzungo dien hitzarmen baten alde egin du».
Hiru eskaera nagusi finkatuta dauzkate. Bat: langileen soldatak KPIa baino gehiago igotzea. Bi: egungo ratioak eta lan kargak «berrikustea». Eta hiru: gutxieneko kontratazioak berrikustea, sektoreko lanaldi partzialak «oso prekarioak» direlako.
