Gaur goizean protesta ekintza abiatu du Ernai gazte erakundeak Bilbon. Espainiako Gobernuak Moiua plazan duen egoitzaren aurrean eserialdia egin dute, 07:30ak aldera, eta trafikoa moztu. Hainbat gazte lepotik kateatu dira. Horrez gain, Gasteizen ere protesta egin dute ordu berean, Ertzaintzaren egoitzan. Bertan ere, gazte batzuk eraikinera lotu dira. Arratsaldean ere zenbait protesta egin dituzte; besteak beste, gazte talde batek errepide bat moztu du Hernanin (Gipuzkoa).
Galder Barbado eta Aitor Zelaia gazteek joan zen astean jasotako espetxeratzeko aginduen kontrako protesta izan da. «Aitorrek eta Galderrek lau urte daramate espetxe arriskuan, eta horrek erantzule zuzena du», gogoratu dute Ernaiko kideek Bilbon. Izan ere, «ankerkeria horren erantzuleak jopuntuan» izan dituzte, eta espetxeratzea «euskal gazteriaren eta herri honen duintasunaren aurkako erasotzat» jo dute. Argi utzi dutenez, lau urte hauetan bezala, «azken txanpa honetan ere kaleetan» jarraituko dute.
Galder Barbado eta Aitor Zelaiaren espetxeratze aginduaren aurka, protesta egin du Ernaik Espainiako Gobernuaren ordezkaritzan. Ertzaintza gazteak identifikatzen ari da, banan-banan.
— Olatz Silva Rodrigo (@olatz_silva) September 22, 2023
Bi gaztek eraikinean kateatuta jarraitzen dute. @berriapic.twitter.com/jJXQk7QZKW
«Ez dugu euskal gazteriaren aurkako erasorik onartuko! Militantzia politikoa ez da delitua!», adierazi du Ernaik sare sozialetan.
â;ÂÂÂ;ÂÂ;ÂÂÂ;š ï¸;ÂÂÂ;ÂÂ;ÂÂÂ;ÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂADI!
— Ernai Bilbo (@ErnaiBilbo) September 22, 2023
Gobernu Zibilera lotu gara, eta errepidea moztu dugu, Espainiako Audientzia Nazionalak Aitor eta Galderren aurka ateratako espetxeratze agindua zalatzeko.
Ez dugu euskal gazteriaren aurkako erasorik onartuko!
Militantzia politikoa ez da delitua!
Hurbildu! pic.twitter.com/3akgJEbdfP
Ertzaintza errepidean eserita zeudenen aurka oldartu da, eta banan-banan identifikatu ditu eserialdian parte hartu dutenak.
ADI!
— Ernai Bilbo (@ErnaiBilbo) September 22, 2023
Polizia tokira hurbildu da oldarkor.
Hemen aurrera egin nahi duen herri duin bat dago.
Euskal gazteria aurrera! https://t.co/b921ub2gAopic.twitter.com/CjTPlikoUH
Lepotik lotuta zudenen kateak metalerako aizturrekin mozten saiatu da Ertzaintza, baina ezin izan du. Azkenean, suhiltzaileak heldu dira, eta haiek moztu dituzte kateak. 11:10 aldera amaitu da protesta.
![](https://www.berria.eus/argazkiak_jarraia/uploads/53843fefa8.jpg)
Eusko Jaurlaritzako Segurtasun Sailaren arabera, Ertzaintzak 92 pertsona identifikatu ditu Bilbon. Gasteizen, berriz, hiru pertsona atxilotu dituzte, eta beste 42 identifikatu.
Hemen jarraitzen dugu.
— Ernai Bilbo (@ErnaiBilbo) September 22, 2023
Banan banan identifikatuak eta izunduak izaten ari gara.
Gogoratu! Arratsaldean 19:00etan Moyuatik. pic.twitter.com/OsFQQpzroU
Arratsalderako ere zenbait protesta deituak zituen Ernaik. Esaterako, mobilizazioa egin dute Bilbon, eta Hernanin errepide bat moztu dute. Azken protesta horretan, gutxienez lau lagun identifikatu ditu Ertzaintzak. Datorren larunbatean, berriz, mobilizazio nagusia egingo dute Gasteizen: 18:30ean aterako dira, Artiumetik. Ernaik bertara joateko deia egin du: «Milaka pankarta, milaka eskuorri eta milaka kontzentrazio egin ditugu herrietan. Gaur ere, horrela salatu dugu. Hurrengo larunbatean, Gasteizko kaleak beteko ditugu. Aitor eta Galder aske!».
Herritar talde batek errepidea moztu du Hernanin, Barbado eta Zelaiaren kartzelatzea salatzeko. Lurrean eseri dira batzuk, eta lau lagun behintzat identifikatu dituzte ertzainek @berriapic.twitter.com/VIIvG1BmXq
— Mikel P. Ansa (@peruarenaansa) September 22, 2023
Ez dira Barbadoren eta Zelaiaren kontrako espetxeratze agindua salatzeko lehen protestak izan. Astelehenean, protesta egin zuten Agurainen, Amurrion (Araba) eta Gasteizen, Ankerkeriari Stop plataformak deituta, eta ehunka lagunek bat egin zuten. Euskal Herriko beste hainbat herritan ere elkarretaratzeak egin dituzte. .
Espainiako Auzitegi Nazionalak launa urteko espetxe zigorra ezarri zien Aitor Zelaia eta Galder Barbado gazteei, lehergailuak egiteko materiala edukitzea leporatuta. «Militante politiko izateagatik zigortu nahi gaituzte», adierazi izan dute gazteek.