Espainiako Auzitegi Gorenak behin betiko atzera bota ditu Kabiako hizkuntza eskakizunak. Ez du ontzat eman Gipuzkoako Foru Aldundiak EAEko auzitegi nagusiaren erabakiaren aurka iazko apirilean aurkeztutako helegitea.
Erakundeak kudeatzen dituen egoitzetan, euskarazko B2 maila eskatzen da lanpostu gehienetan, eta badira B1 maila ezarria dutenak ere. Baliogabetutako deialdian, 49 lanpostutan ezarri zituzten hizkuntza eskakizunak. Gorenak ebatzi du eskakizuna lanpostuen %92tan jartzea gehiegizkoa dela.
CCOO sindikatuak eta Ignacio Lopez Lera abokatuak eraman dute kasua Gorenera. Orain, irmoa da EAEko auzitegi nagusiaren ebazpena.
