Etorkinen ahotsari aitortza

2019ko Emakunde saria jaso zuen atzo Cony Carranza Castro hezitzaile eta soziologo feministak, Lehendakaritzan. 2004an etorri zen El Salvadortik Euskal Herrira, eta ordutik emakume migratuen alde egindako lana aitortu dio Emakundek sariaren bidez. Hain justu, Espainiako Atzerritar Legea baliogatzea galdegin zuen Carranzak hitza hartzean, «arrazakeria instituzionalaren eta sozialaren oinarria» delako eta «emakume migratuon lan eremua etxeko lanetara mugatzen duelako».