Eusko Jaurlaritzak gaur onartu du guraso bakarreko familien akreditazioaren arautzea, eta hurrengo urtarrilean sartuko da indarrean. Gainera, jakinarazi dute familia horiei emango dien laguntza ekonomikoa %30 igo dutela.
Guraso bakarreko familien %80tan gurasoa emakumea da, Nerea Melgosa Ongizate, Gazteria eta Erronka Demografikorako sailburuak azal duenez. Gainera, azpimarratu du familia horiek izan ohi dituztela zailtasun gehien «bizitza pertsonala, familia eta lana uztartzeko».
Bestalde, adierazi dute haur bakoitzeko 200 euroko diru laguntzaz gain, beste ehun euroko laguntza ere emango zaiela guraso bakarreko familiei, haurrak 7 urte bete arte. Denera, guraso bakarreko 21.000 familia daude EAEn.
