Gasteizko Eskola Publikoaren aldeko taldeak Guerreroren dimisioa eskatu du

GASTEIZ. Gasteizko Eskola Publikoaren aldeko plataformak Arabako Hezkuntza ordezkari Blanca Guerreroren dimisioa eskatu du. Taldeko kideen esanetan, ordezkariak «arduragabe» jokatu du, matrikula egiteko garaian familiei ematen zaien puntu gehigarria haurrak itunpeko eskoletan matrikulatzen dituztenei emanez. «Ordezkariak oinarrizko rola izan du segregazioa bultzatzeko garaian, eta men egin die itunpeko ikastetxeek eginiko presioei», adierazi dute.