Ertzaintzak 57 urteko gizonezko bat atxilotu du bart gauerdian Dulantzin (Araba); beste gizon bat hiltzen saiatzea leporatu diote.
Ertzaintzaren arabera, gaur 00:14an dei bat jaso dute, eta esan diete gizon bat konorterik gabe zegoela Dulantziko Solandia parkean, ibaiaren ertzean. Ertzainak bertara joan dira, eta ikusi dute gizonezko bat zegoela; hainbat kolpe zituen, buruan zauri bat, eta konorterik gabe zegoen.
Lekukoek Poliziari kontatu diotenez, biktimak gizon batekin eztabaida izan zuen minutu batzuk lehenago, eta hanketatik eutsi ostean, ibaira bota zuen. Ertzaintzak gizonezkoa aurkitu du handik gertu, eta atxilotu egin du, beste gizona hiltzen saiatzea egotzita; biktima, berriz, ospitalera eraman dute.
