Gasteizko Udaltzaingoak 51 urteko gizonezko bat atxilotu du bart, gurasoengandik urruntzeko agindua urratzea egotzita. Polizia iturriek jakinarazi dutenez, gauerdian jaso zuten abisua, hiriburuko Zaramaga auzoko etxebizitza batera joateko. Atxilotua gurasoen etxeko txirrina jotzen ari zen, haiengana hurbiltzeko debekua ezarria zuen arren. Udaltzainak bertaratu zirenean, gizona ez zegoen atarian. Hala ere, etxean bertan gurasoekin hitz egiten ari zirenean, berriro jo zuen beheko txirrina. Horrenbestez, poliziek gizona identifikatu eta atxilotu zuten, kautelazko neurria indarrean zegoela egiaztatu ondoren.
Gizon bat atxilotu dute Gasteizen, gurasoengandik urruntzeko agindua urratzea egotzita
Udaltzainek atxilotu dute 51 urteko gizonezkoa, Zaramaga auzoan.
Iruzkinak
Ez dago iruzkinik
Ordenatu
